Lëvizja Vetëvendosje ka bërë thirrje për protesta në Prishtinë, të martën në orën 12:00.
Kryetari i Vetëvendosjes, Albin Kurti, ka thënë se kërkesat janë tashmë të njohura dhe se kanë të bëjnë me shkarkimin e ministrit për Komunitete dhe Kthim në Qeverinë e Kosovës, Aleksandar Jabllanoviq, dhe me sjelljen në Kuvend të ligjit që Trepçën e konsideron ndërmarrje të veçantë publike.
Thirrja vjen pasi kryeministri i Kosovës, Isa Mustafa, nuk u është përgjigjur kërkesave të partive politike në opozitë dhe disa organizatave joqeveritare, të parashtruara të shtunën, më 24 janar, gjatë një proteste në Prishtinë.