Së paku 22 persona janë vrarë dhe mbi 50 të tjerë janë lënduar sot gjatë një aksidenti me tren në shtetin Utar Pradesh të Indisë, raporton agjencia gjermane e lajmeve, DPA.
Aksidenti ka ndodhur kur dy vagona të trenit që shkonte nga qyteti malor i Dehradunit për në qytetin tempull të Varanasit, dolën nga binarët.
Aksidente të tilla nuk janë diçka e pazakont për rrjetin hekurudhor të Indisë, që çdo ditë transporton deri në 20 milionë pasagjerë.
Pas aksidentit ka reaguar ministri federal i hekurudhës, Suresh Prabhu, duke thënë se ai e ka bërë prioritet sigurinë në rrjetin hekurudhor të këtij shteti federal indian.