Udhëheqësit e republikanëve në Shtetet e Bashkuara, i kanë dënuar veprimet e presidentit, Barak Obama, për ta forcuar kontrollin mbi armët.
Kryesuesi i Dhomës së Përfaqësuesve, Paul Ryan, tha se urdhërat ekzekutivë që e anashkalojnë Kongresin, “ e kufizojnë lirinë” dhe këta urdhëra sipas tij, do t’i kundërshtojnë në gjykatë.
Kandidati për president në radhët e republikanëve, Donald Trump, tha se nëse zgjidhet president, ai do t’i heqë masat e vendosura nga presidenti aktual, Barak Obama.
Gjatë ditës së djeshme, presidenti Obama e ka shpallur planin për kontrollin e armëve.
