Nëntëdhjetegjashtë tifozë të futbollit, të cilët kanë vdekur si pasojë e ndrydhjes në stadiumin Hillsborough të Anglisë, më 1989, janë vrarë në mënyrë të paligjshme, ka konstatuar një juri.
Juria në Britani, në përbërje prej gjashtë grave dhe tre burrave, i është përgjigjur me “po” pyetjes nëse ndonjë gabim i policisë ka shkaktuar ose ka kontribuar në incident.
Incidenti ka ndodhur më 15 prill të vitit 1989, kur në ndeshjen gjysmëfinale për Kupën e Anglisë, midis Liverpoolit dhe Nottingham Forestit, ndrydhjet e tifozëve kanë rezultuar me 96 njerëz të vdekur dhe 766 të plagosur.
Për incidentin fillimisht janë fajësuar tifozët e Liverpoolit.
Por, në vitin 2013, pas përfundimit të hetimeve shumëvjeçare, është konstatuar se policia dhe organizatorët kanë lejuar në stadium më shumë njerëz seç duhej.
Juria ka thënë sot se tifozët e Liverpoolit nuk i kanë kontribuar gjendjes së rrezikshme në stadium.
Tragjedia në Hillsborough njihet si fatkeqësia më e keqe e futbollit në botë.