Ndërlidhjet

Qeveria kurde ka ofruar “pezullimin” e rezultateve të referendumit


Foto nga arkivi

Qeveria rajonale kurde e Irakut, ka ofruar “pezullimin” e rezultateve të referendumit për pavarësi nga Iraku, për të parandaluar dhunën dhe për të mbështetur dialogun me Bagdadin.

“Luftimet e vazhdueshme, nuk qojnë në fitoren e asnjërës palë, por do ta drejtojnë vendin në rrëmujë dhe kaos, që ndikon në të gjitha aspektet e jetës së qytetarëve”, ka thënë qeveria kurde përmes një deklarate.

Qeveria ka ofruar “armëpushim të menjëhershëm” në rajonin kurd, pezullim të rezultateve të referendumit dhe “dialog të hapur” me qeverinë federale në Bagdad.

Kurdët kanë mbështetur pavarësinë nga Iraku, në referendumin e mbajtur më 25 shtator, votë kjo që është cilësuar si joligjore nga Bagdadi.

XS
SM
MD
LG