Presidenti iranian, Hassan Rohani ka kritikuar ndalimin e aplikacionit Telegram në vend, duke thënë se administrata nuk e mbështetë këtë vendim.
“Qeveria dëshiron një internet të sigurt, por jo të kontrolluar”, ka shkruar Rohani në llogarinë e tij në Instagram.
Ai ka thënë se ndalimi as nuk është urdhëruar, por as nuk është mbështetur nga Qeveria.
“Ne duam që informacioni të jetë i lirë dhe gjithashtu që qytetarët tanë të kenë të drejtë për të zgjedhur”, ka thënë ai, duke shtuar se bllokimi i qasjes së këtij aplikacioni të mesazheve “është e kundërta e demokracisë”.
Gjykata për Media dhe Kulturë e Iranit, më 30 prill ka urdhëruar mbylljen e Telegramit, duke argumentuar se ky aplikacion rrezikon sigurinë e vendit.
