Kryeministri i Kosovës, Ramush Haradinaj ka njoftuar se i ka tërhequr lejen e dhënë që presidenti i Serbisë, Aleksandar Vuçiq të vizitojë sot fshatin Banjë të komunës së Skenderajt.
Qytetarët në këtë zonë kanë bllokuar rrugën, duke vendosur gjësende të ndryshme, me qëllim që të parandalojnë vizitën e Vuçiqit.
Përmes një postimi në Facebook, Haradinaj ka thënë se siguria e “qytetarëve është mbi të gjitha”.
Presidenti i Serbisë, Aleksandar Vuçiq ka nisur të shtunën vizitën e tij dyditore. Ai sot ishte paraparë, që të vizitonte edhe fshatin Banjë të Skenderajt.
