Ndërlidhjet

Veseli i cilëson të pahijshme paralajmërimet për dorëheqje të kryetarëve në veri


Kryetari i Kuvendit të Kosovës, Kadri Veseli.

Kryetari i Kuvendit të Kosovës, Kadri Veseli ka kërkuar ndërhyrjen e Bashkimit Evropian dhe partnerëve të tjerë ndërkombëtarë, pas paralajmërimeve për dorëheqje të kryetarëve të sapozgjedhur në katër komunat me shumicë serbe, Mitrovicë e Veriut, Leposaviq, Zveçan dhe Zubin Potok.

Sipas Komisionit Qendror Zgjedhor, zgjedhjet në të katër komunat i kanë fituar kandidatët e partisë, Lista Serbe.

Në një postim në rrjetin social, Facebook, Veseli ka kërkuar nga BE-ja, që të bëjë presion në mënyrë që Serbia të zbatojë marrëveshjet e nënshkruara në Bruksel.

“Paralajmërimi i dorëheqjes nga kryetarët e sapozgjedhur të komunave të veriut të Kosovës, është një akt i pahijshëm dhe i dëmshëm që cenon bashkëjetesën dhe stabilitetin e Kosovës”, ka shkruar Veseli.

Lista Serbe ‘ruan’ pushtetin e Beogradit në veri të Kosovës

Zgjedhjet në katër komunat me shumicë serbe në Kosovë, janë mbajtur javën e kaluar, pasi që kryetarët e këtyre komunave veriore, më 26 nëntor të vitit të kaluar, kanë dhënë dorëheqje, në shenjë pakënaqësie ndaj taksës doganore 100 për qind që Kosova u ka vënë mallrave të importuara nga Serbia.

Kjo taksë është përdorur si arsyetim nga presidenti i Serbisë, Aleksandar Vuçiq, për mosvazhdim të dialogut mes Kosovës dhe Serbisë.

Haradinaj: Vuçiq, reflekto!

Dialogu mes këtyre dy shteteve, me ndërmjetësim të Bashkimit Evropian, ka nisur më 2011 në Bruksel.

XS
SM
MD
LG