Ndërlidhjet

Seuli thotë se SHBA-ja po punon që të rinisë bisedimet me Korenë e Veriut


Lideri verikorean, Kim Jong Un dhe presidenti amerikan, Donald Trump.

Koreja e Jugut thotë se Shtetet e Bashkuara po punojnë në mënyrë “shumë aktive” që Koreja e Veriut të kthehet në tavolinën e bisedimeve, në mënyrë që të zgjidhen problemet bërthamore dhe të sigurisë në Gadishullin Korean.

Kjo deklaratë vjen në kohën kur afati i fundit po afrohet pasi Phenjanin po kërkon që Uashingtoni të rrisë fleksibilitetin në bisedime.

Seuli po bisedon me liderin verikorean, Kim Jong Un lidhur me këtë çështje, u tha gazetarëve diplomati jugkorean, Chung Eui-young.

“Siç e dini, Veriu ka dhënë një afat për këtë çështje dhe marrë parasysh pozicionin e Koresë së Veriut, ne po koordinohemi me palën amerikane. Nëse bisedimet e zyrtarëve të lartë ndodhin dhe çojnë në progres substancial, një samit i tretë Kore e Veriut-SHBA është i mundshëm”, tha ai.

Gjatë samitit të dytë, lideri verikorean, Kim Jong Un kërkoi nga presidenti amerikan, Donald Trump që të heqë dorë nga sanksionet, në mënyrë që Veriu të heqë dorë nga kompleksi kryesor bërthamor që ka.

Më 2 tetor, Koreja e Veriut tha se ka testuar atë që e quajti raketë balistike “shumë të madhe”, vetëm disa orë pasi tha që është i gatshëm të rikthehet në bisedime me SHBA-në.

XS
SM
MD
LG