Ndërlidhjet

Kina thotë se nuk heq dorë nga Tajvani edhe pas rezultatit të zgjedhjeve


Presidentja e Tajvanit Tsai Ing-wen

Kina nuk do të ndryshojë pozicionin se Tajvani është pjesë e saj, deklaroi Bejingu zyrtar, pas fitores së edhe një mandati nga presidentja Tsai Ing-wen e cila u kundërpërgjigj duke thënë se nuk do t’i marrë parasysh këto kërcënime.

Fushata zgjedhore u dominua nga përpjekjet e Kinës që ta bind ishullin demokratik të pranojë modelin e qeverisjes së Bejingut “një shtet, dy sisteme”, si dhe përmes protestave anti-qeveritare në Hong Kong.

“Pa marrë parasysh ndryshimet brenda Tajvanit, fakti se ekziston vetëm një Kinë dhe Tajvani është pjesë e saj nuk do të ndryshojë”, thuhet në një njoftim të Ministrisë së Jashtme.

Përderisa Kina thotë se Tajvani është pjesë e saj, ky i fundit konsiderohet vend i pavarur dhe emrin formal e ka Republika e Kinës.

Tsai, liderja që ka kundërshtuar sistemin qeveritar “një shtet, dy sisteme”, ka fituar edhe një mandat katërvjecar të shtunën dhe ka siguruar shumicën edhe në parlament.

Të shtunën, Tsai bëri thirrje për vazhdimin e bisedimeve me Kinën.

XS
SM
MD
LG