Ndërlidhjet

Në Kosovë vdes edhe një pacient me koronavirus


Prishtinë

Klinika Infektive në Qendrën Klinike Universitare të Kosovës njoftoi të hënën se një pacient i prekur me koronavirus, ka vdekur.

Viktima me inicialet XH.I. ishte 53-vjeçar, nga Komuna e Pejës.

Në njoftimin e Klinikës Infektive thuhet se pacienti është shtruar në këtë repart të dielën, si i dyshuar për COVID-19, sëmundjen që e shkakton koronavirusi.

Ai ka dalë pozitiv me koronavirus dhe ka pasur edhe sëmundje të tjera shoqëruese, thuhet në njoftim.

Në Kosovë, gjithsej janë infektuar 763 persona me koronavirus, 165 janë shëruar dhe me viktimën e fundit, numri i të vdekurve ka shkuar në 22.

XS
SM
MD
LG