Kosova po përballet me një ndarje të dukshme në tregun e punës: ndërsa fabrikat dhe kompanitë e ndërtimit kanë më pak punëtorë, sektori i teknologjisë së informacionit dhe komunikimit (TIK) po tërheq dhe mban të rinjtë brenda vendit. Nëse ky trend i ikjes së profesionistëve dhe punëtorëve vazhdon, vendi rrezikon ulje të prodhimit – në një ekonomi që, edhe ashtu, është shumë e varur nga importet.