Ndërlidhjet

BRUKSEL


Zgjedhjet e djeshme parlamentare në Serbi dhe vazhdimi i procesit të përcaktimit të statusit të Kosovës ishin temat për të cilat u diskutua sot në Bruksel në takimin e ministrave të Jashtëm të Bashkimit Evropian. Ministrat e Jashtëm ftuan për formimin e e shpejtë të qeverisë së Serbisë pas zgjedhjeve të mbajtura dje.
Shefi për Politikë të Jashtme dhe Siguri i BE-së, Javier Solana shfaqi shpresën që zgjedhjet në Serbi do të çojnë drejt formimit të shpejtë të një qeverie prodemokratike përkundër fitores së Partisë Radikale.
"Shumica e zgjedhësve votuan për forcat prodemokratike dhe proevropiane, dhe ne shpresojmë shumë se do të ketë formim të shpejtë të qeverisë", tha Solana, për të shtuar se është tepër herët të vlerësohet ndikimi i zgjedhjeve në statusin e ardhshëm të Kosovës.
Ministri i Jashtëm i Gjermanisë, Frank Valter Steinmeier tha se nuk do të ishte ide e mirë shtyrja e re e procesit për statusin e Kosovës.
Ministrja e Jashtme e Austrisë Ursulla Plasnik tha se zgjidhja e statusit të Kosovës tash është në proceset ndërkombtare. "Përgjegjësia në plan të parë është tek Martti Ahtisaari dhe ai është duke punuar në këtë drejtim me shumë kujdes, ndërsa Bashkimi Evropian dhe OKB-ja janë duke bashkëpunuar poashtu", tha Plasnik.

Përdorimi i përmbajtjes sonë

⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.

Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.

XS
SM
MD
LG