Kreu i Agjencisë Ndërkombëtare për Energji Bërthamore, shfaqi shpresën se mund të arrihet progres rreth krizës së programit bërthamor të Iranit. Mohamed El-Baradei i tha javores gjermane Der Spiegel se marrëveshja e fundit ndërmjet agjencisë dhe Teheranit paraqet "mundësi të madhe" për të zgjidhur krizën. Por ai paralajmëroi se ky mund të jetë rasti i fundit për Teheranin, i cili deri në nëntor apo dhjetor duhet të japë prova për qëllimet e mira.
