MOSKË

Ministri i jashtëm rus, Sergei Lavrov tha se Rusia nuk do t'i njohë domosdoshmërisht dy rajonet në Gjeorgji, që mbështeten nga Moska, nëse Kosova e shpallë pavarësinë.
- Udhëheqja ruse kurrë nuk ka thënë se pas Kosovës ne menjëherë do ta njohim Abhazinë dhe Oshetinë Jugore, tha zoti Lavrov në një konferencë për shtyp në Moskë. Mëtutje ministri Lavrov e ka përsëritur qëndrimin e Rusisë se pavarësia e Kosovës do të krijonte precedent për afro 200 territore të tjera "separatiste" në gjithë botën.