Fallsifikimet me biletat e kampionatit botëror të futbollit kanë shkaktuar shumë viktima në mesin e sportdashësve që kërkojnë patjetër t'i ndjekin ndeshjet në stadiume. Së paku 15 njerëz në Gjermani kanë denoncuar harxhimin e mijëra eurove për të blerë bileta në ankand në internet në faqen Ebay. Edhe në Çeki po hetohen rastet ku çmimet e biletave për ndeshjet gjysmë finale dhe finale janë shitur deri në 9000 euro.
