Kuvendi i Afganistanit ka bërë thirrje për përmbajtje në përgjigje ndaj protestave për një incident, për të cilin është raportuar se forcat amerikane dhe ato afgane kishin hapur zjarr në civilë sot në Kabul. Ministria e brendshme e Afganistanit ka bërë të ditur se një aksident trafiku, në të cilin ishin të përfshira forcat e koalicionit, kishte shkaktuar protesta, që ishin shndërruar në demonstratë të dhunshme. Sipas raporteve, në këtë aksident trafiku kishte humbur jetën një person. Nuk është e qartë se a ka pasur viktima në protesta.
