Ndërlidhjet

BEOGRAD


Kryeminsitri i Serbisë Vojisllav Koshtunica u ka bërë thirrje ligjëvënësve që të miratojnë Kushtetutë të re me të cilin, Kosovën do ta shpallin pjesë integrale të Serbisë, përkundër negociatave të ndërmjetsuara nga Kombet e Bashkuara për statusin e Kosovës dhe kërkesat e Prishtinës për pavarsi.
Koshtunica, e ka hapur debatin parlamentarë kushtuar negociatave për statusin e Kosovës duke thënë se "neve na kërkojnë që të heqim dorë nga Kosova", transmeton Asociated Press.
"Nga ne kërkohet që të përbuzim vetën si shtet, por për shtetin e Serbisë, Kosova kurrë nuk do të jetë e pavarur. Nuk do të ketë përgjigje tjetër nga Serbia përderisa ajo të ekzistojë", ka thënë Koshtunica.
Ndërkaq, lideri ultra nacionalist i Partisë Radikale Serbe, Tomislav Nikoliq u ka kërkuar Koshtunicës dhe presidentit Boris Tadiq që të përgadisin armatën serbe për luftë në Kosovë.
"Unë dua të dijë çfarë do të bëjnë forcat tona të armatosura. Nëse nuk kemi motiv dhe armë, atëherë mos na thoni që Kosova është pjesë e Serbisë" ka thënë Nikoliq.
XS
SM
MD
LG