Nga protesta e gastronomëve në Prishtinë dhe protestat tjera në Shkup e Moskë, deri tek ngjarjet sportive dhe pamjet e qyteteve të mbuluara me borë, Radio Evropa e Lirë ka përzgjedhur fotografitë më interesante për fotogalerinë e javës, nga rajonet në të cilat raporton. Për më shumë fotogaleri, klikoni KËTU.
Fotografitë e javës
1
Punëtoret në industrinë e seksit në Maqedoninë e Veriut mbajnë ombrella të kuqe përgjatë një proteste në Ditën Ndërkombëtare Kundër Dhunës në industrinë e seksit, në Shkup. Në vendin e tyre të punës punëtoret në industrinë e seksit përballen me rrezik më të lartë nga dhuna seksuale.
2
Szofia Bernat nga Hungaria, gjimnaste në disiplinën e gjimnastikës ritmike, përformon individualisht në garën ndërkombëtare të kësaj disipline që u mbajt në Moskë.
3
Zyrtarët talibanë të sigurisë duke shikuar kafshët në kopshtin zoologjik të Kabulit.
4
Në stacionin e metrosë, Osokorky në Kiev shihet murali i krijuar në vitin 2018 si pjesë e projektit “Më shumë se ne”, në të cilin morën pjesë artistë nga Ukraina, Zvicra, SHBA-ja, Spanja, Kosta Rika, Belgjika e Australia.
