Ushtria izraelite po godet shënjestra ushtarake në Iran
Ushtria izraelite ka thënë në përditësimin e fundit se forca e saj ajrore është duke kryer “një numër të madh sulmesh në shënjestrat ushtarake” në perëndim të Iranit.
Më herët në mëngjes, për shpërthime është raportuar në qytetet perëndimore iraniane, Kermanshan dhe Tabriz.
Shpërthime edhe në Doha
Shpërthime dhe sirenat janë dëgjuar edhe në kryeqytetin e Katarit, Doha.
Ministria e Mbrojtjes e Katarit ka thënë se i ka parandaluar me sukses "disa sulme që shënjestruan territorin e shtetit”, sipas medias shtetërore.
Një zyrtar i Katarit ka thënë për agjencinë e lajmeve AFP se sistemet amerikane Patriot e kanë kapur një raketë iraniane.
Në Katar gjendet baza ajrore më e madhe amerikane në rajon, Al Udeid.
Njoftimi i radhës për shtetasit e Kosovës në Lindje të Mesme
Për shtetasit e Kosovës që jetojnë në Arabinë Saudite, Kuvajt, Bahrein dhe Oman, autoritetet e kanë vënë në dispozicion këtë numër kontaktues +966 53 750 88 35, në rast se ata përballen me ndonjë urgjencë, pas rritjes së tensioneve rajonale.
Për ata që jetojnë në Katar, numri kontaktues është ky: +974 5055 9453.
Pamje tjera nga Teherani
Numër i madh veturash shihen nëpër rrugët e Teheranit dhe njerëzit janë me nxitim.
