Çfarë ndodhi në ditën e gjashtë të deklaratave përmbyllëse në Hagë?

16 shkurt 2026

Krenare Cubolli dhe
Ekrem Idrizi

• Sot u mbajt seanca e gjashtë e deklaratave përmbyllëse në rastin kundër ish-presidentit të Kosovës, Hashim Thaçi, ish-kryeparlamentarëve, Kadri Veseli dhe Jakup Krasniqi, dhe ish-deputetit, Rexhep Selimi në Gjykatën Speciale në Hagë.

• Mbrojtja e të akuzuarve argumentoi se nuk ka prova për krimet e pretenduara, ndërsa Prokuroria kërkoi që ata të shpallen fajtorë.

• Ish-eprorët e UÇK-së, akuzohen për krime lufte dhe krime kundër njerëzimit, për të cilat të katërtit janë deklaruar të pafajshëm.

• Pas përmbylljes së deklaratave, çështja do të kalojë te trupi gjykues. Gjykatësit kanë tre muaj kohë që të marrin një vendim për çështjen, ose të kërkojnë zgjatjen e afatit për marrjen e vendimit.

09:51

Mirëmëngjesi të gjithëve,

Shpresojmë që keni pasur një fundjavë të mirë!

Po e nisim javën me një tjetër seancë të gjyqit në Hagë, ku po gjykohen ish-presidenti i Kosovës, Hashim Thaçi, ish-kryeparlamentarët, Kadri Veseli dhe Jakup Krasniqi, dhe ish-deputeti, Rexhep Selimi.

Ish-eprorët e Ushtrisë Çlirimtare të Kosovës (UÇK), akuzohen për krime lufte dhe krime kundër njerëzimit, për të cilat të katërtit janë deklaruar të pafajshëm.

Sot përfundon deklaratat e veta mbrojtja e Krasniqit, pasi të tjerët veçse i kanë shpalosur argumentet e tyre.

Na ndiqni përmes këtij blogu për t’u informuar në kohë reale për zhvillimet brenda sallës së gjyqit.

Faleminderit që jeni me ne.

10:07

Vonesë në nisje të seancës

Gjykata ka bërë të ditur se punimet sot i nis me vonesë, përkatësisht në orën 09:40, ose në orën 10:25 në transmetimin me vonesë.

10:30

Rezoluta e miratuar

Javën e kaluar, Kuvendi i Kosovës e ka miratuar një rezolutë, përmes së cilës kërkon gjykim të drejtë në Speciale.

Më shumë këtu:

Hashim Thaçi dhe Rexhep Selimi gjatë gjykimit në Hagë.

SHIKONI EDHE:

Kuvendi miraton rezolutë për gjykim të drejtë në Speciale

10:33

Nis seanca

Të pranishëm në sallë janë të akuzuarit.

Shfaq më shumë