Nën goditjet e reja në Kiev, banorët mundohen ta rindërtojnë jetën

Borys Sachalko

6 qershor 2022

Me kryeqytetin e Ukrainës përsëri nën shënjestrën e raketave ruse pas disa javësh ndërprerjeje, shumë banorë po përgatiten për më shumë bombardime ngjashëm si ato që vranë civilë dhe lanë qindra ndërtesa të dëmtuara ose të shkatërruara para se rusët të tërhiqeshin në periferi të Kievit në prill.

Planifikuesit ushtarakë ukrainas përsëritën paralajmërimet këtë javë se shanset janë "të larta" që forcat e presidentit rus, Vladimir Putin, të nisin një sulm të dytë në qytet.

Kryetari i bashkisë së Kievit, Vitali Klitschko, tha në një forum në Davos javën e kaluar se të paktën 120 banorë të Kievit ishin vrarë dhe 300 u plagosën që nga fillimi i pushtimit rus në shkallë të gjerë më 24 shkurt.

Pushtimi rus i Ukrainës

REL ju sjell informacionet kryesore mbi pushtimin rus të Ukrainës, përfshirë analiza, video dhe fotogaleri.

Pos humbjes tragjike të jetëve, shumë banorë po përballen ende me dëmtimet në shtëpitë e tyre nga ofensiva e parë, e dështuar, e rusëve në qytetin e shtatë më të populluar të Evropës.

Dhe, ata ende po përpiqen t'i bëjnë shtëpitë e tyre të jetueshme përsëri, me gjithë pengesat për rindërtimin gjatë kohës së luftës kur ka prioritete më të mëdha në nivel kombëtar, vonesa legjislative, burokraci dhe mungesë burimesh.

"Tregoni Putinit se si qëllon në zonat e banuara", tha Kostyantyn Lishchuk, i cili së bashku me familjen e tij i kishte mbijetuar një goditjeje të drejtpërdrejtë në ndërtesën e banimit në Kiev nga një raketë ruse rreth orës 8 të mëngjesit në ditën e tretë të luftës.

Pjesa më e madhe e banesës së tij u shkatërrua dhe ka një vrimë të hapur ku dikur qëndronin disa mure të jashtme me pamje nga kullat e apartamenteve ngjitur.

Gruaja e tij u godit nga dyert e korridorit dhe ai thotë se vajza e tij e vogël mbijetoi vetëm sepse nuk ishte duke fjetur në dhomën e saj në atë kohë. Ai i tregoi një gazetari të Current Time se çfarë ka mbetur nga dhoma e vajzës së tj: "Faleminderit Zotit që fëmija ynë nuk ishte këtu -- ajo ishte pikërisht atje në korridor".

Mes sirenave të sulmit ajror dhe sfidave të tjera të kohës së luftës, Lishchuk ka shpenzuar pjesën më të madhe gjatë tre muajve të fundit duke hequr muret në banesën e tij dhe duke instaluar armaturën, ose çelikun e armaturës, për të parandaluar shembjen.

SHIKONI EDHE:

Shpërthime të fuqishme në Kiev

Sepse Lishchuk dhe shumica e rreth 500 banorëve të tjerë së apartamenteve në këtë zonë kanë vendosur të qëndrojnë dhe të luftojnë për shtëpitë e tyre - dhe shpresojnë ta rikthejnë vendin në vendbanim- me ose pa financimin ose lejen e qartë të zyrtarëve shtetërorë ose lokalë.

Prioritetet e kohës së luftës

Deri më tani, Klitschko ka premtuar rreth 20 milionë dollarë për restaurimin e rezidencave në Kiev dhe shteti ka ndarë të paktën 6 milionë dollarë më shumë.

Kjo është vetëm një pikë në kovën me ujë në qytetin me afro 3 milionë banorë para luftës, me rreth 400 ndërtesa të konfirmuara tashmë të dëmtuara, mes shenjave se Kremlini po kërkon një luftë të gjatë.

Zyrtarët ukrainas, përfshirë ministrin e Drejtësisë, Denys Malyuska, kanë lënë të kuptohet se shpresojnë që konfiskimet jashtë vendit të aseteve të mbajtura nga Rusia nën sanksionet e miratuara kundër Kremlinit mund të kanalizohen drejt rindërtimit të vendit.

Blindohet Kievi

1/14 Një burrë mbush thasë me rërë në qendër të Kievit, më 7 mars, ndërsa vullnetarë nga Forcat e Mbrojtjes Territoriale patrullojnë në sfond.

2/14 Një grua ecën para një bllokade betoni dhe barrikadave anti-tank në Kiev.

3/14 Anëtarët e Forcave të Mbrojtjes Territoriale të Ukrainës në një kinema në Kiev, duke e përdorur si bazë nga forcat luftarake vullnetare, 7 mars 2022.

4/14 Një anëtar i Forcave të Mbrojtjes Territoriale të Ukrainës bën roje me një pushkë gjuetie në periferi të Kievit më 4 mars. Vullnetarët e Mbrojtjes Territoriale janë një grup civilësh të trajnuar nën komandën e ushtrisë ukrainase, detyrat e të cilëve përfshijnë rezistencën e armatosur ndaj pushtimit dhe "mbrojtjen të autoriteteve publike, qeverisjes vendore dhe objekteve me rëndësi kritike".

5/14 Anëtarët e Forcave të Mbrojtjes Territoriale luajnë shah me kokteje molotovi në vend të figurave në Kiev më 6 mars. Raportohet se 100,000 vullnetarë civilë janë regjistruar në Forcat e Mbrojtjes që kur Rusia nisi pushtimin e Ukrainës, më 24 shkurt.

6/14 Një ushtarak ukrainas afër një bunkeri në një pyll në periferi të Kievit më 6 mars.

7/14 Një ushtar ukrainas i armatosur rëndë më 5 mars në Irpin, në periferi të Kievit. Irpini u godit nga sulmet ajrore ruse dhe i është ndërprerë energjia elektrike, uji dhe ngrohja për tri ditë.

8/14 Pengesa me tela armature të përdredhur e të mprehtë dhe gomave shihen përgjatë një rruge në një pikë kontrolli në Kiev më 6 mars.

9/14 Një anëtar i Forcave të Mbrojtjes Territoriale të Ukrainës është parë në një pikë kontrolli të fortifikuar në Kiev më 4 mars.

10/14 Një tjetër barrikadë para një tabele ku shkruan "Unë e dua Ukrainën", në qendër të Kievit, më 7 mars.

11/14 Burrat vendosin thasë me rërë para Monumentit të Pavarësisë në Kiev, më 5 mars.

12/14 Në bllokadat prej betoni në qendër të Kievit, më 5 mars, shihet i shkruar slogani "Lavdi Ukrainës!"

13/14 Një vullnetare në bodrumin e një ndërtese në Kiev, më 7 mars. Mijëra civilë të Kievit aktualisht janë strehuar në bodrume nën tokë që përdoren si strehimore ndaj bombave, si dhe në sistemin e metrosë së qytetit, nga frika se Rusia do të lëshojë raketa në qendër të kryeqytetit.

14/14 Një anëtar i Forcave të Mbrojtjes Territoriale bën roje në një pikë kontrolli në Kiev, më 3 mars.

Por, kjo është vetëm një shpresë, në këtë pikë.

Të mbetur në harresë nga ana ligjore dhe praktike, derisa autoritetet përpiqen të formulojnë mekanizma kompensimi dhe të përmbushin prioritetet më urgjente në mbrojtjen e Ukrainës, ata përdorën fondet shtetërore për të marrë një vlerësim të dëmit dhe paraqitën disa opsione për restaurim.

Inxhinierët e ndërtimit thanë se ndërtesa e tyre e dëmtuar nuk do t'i mbijetonte një dimri të Kievit, kur temperaturat mesatare ditore janë vetëm disa gradë mbi zero dhe temperaturat gjatë natës bien edhe nën zero.

“Sezoni i ngrohjes fillon rreth tetorit”, tha një nga banorët.

"Kjo do të thotë se na kanë mbetur edhe disa muaj -- dy ose tre muaj".

Ndërtesa ku jetonte Konstantin Lishchuku para se të goditej nga një predhë e forcave ruse më 26 shkurt 2022.

Lishchuku dhe fqinjët e tij janë shumë të vetëdijshëm për kufizimet aktuale të zyrtarëve.

Ata nuk presin që financimi i shtetit dhe buxhetit vendor të jetë i mjaftueshëm për riparimin e ndërtesave të tyre dhe në çdo rast dyshojnë se këto para do të ndahen deri në vjeshtë.

Ata kanë krijuar tashmë një faqe interneti për të ndarë detajet financiare dhe kanë mbledhur ekuivalentin e rreth 10.000 dollarëve në një fond për të restauruar ndërtesën.

“Vendosëm që duhet ta ndihmojmë edhe shtetin, ta shkarkojmë”, thonë pronarët. "Ne grumbulluam para, [dhe] organizuam punë për heqjen dhe prishjen e [plehrave dhe rrënojave]."

Vonesat dhe burokracia

Përveç mungesës së burimeve shtetërore dhe lokale të zotuara deri më tani për rindërtimin, pengesat burokratike po shfaqen derisa legjislatura kombëtare, Verkhovna Rada, vazhdon të debatojë një projekt-ligj për të mbështetur pronarët e shtëpive të viktimizuara nga agresioni rus.

Juristët thonë se leximi i parë i atij projektligji kufizoi kompensimin në një maksimum prej 150 metrash katrorë, megjithëse ligjvënësit po vazhdojnë debatin e tyre. Të huajt dhe personat juridikë diskualifikohen nga një kompensim i tillë.

Gjithashtu, drafti identifikon në mënyrë eksplicite vetëm ndërtesa private, kopshte dhe shtëpi si prona të pranueshme për kompensim financiar.

"Nuk ka apartamente [të listuara] atje", tha avokatja Natalya Ostrukh për Current Time. Apartamentet përfshihen në një formë tjetër kompensimi, thotë ajo -- domethënë ndërtimi i objekteve të reja.

Njëqind ditët e luftës në Ukrainë

1/36 Një sistem i shkatërruar radari në qytetin-port të Mariupolit më 24 shkurt, ditën kur Rusia nisi pushtimin në shkallë të gjerë të Ukrainës.

2/36 Helena është një mësuese 53-vjeçare nga qyteti lindor i Çuguivit, e cila u plagos nga një shpërthim pasi Rusia nisi pushtimin e saj më 24 shkurt. Ajo deklaroi më pas për një media britanike se kishte ndjekur lajmet, por si shumë njerëz, "asnjëherë nuk besonte se do të fillonte vërtet lufta".

3/36 Automjete të blinduara ruse, të shkatërruara dhe të braktisura në periferi të Kievit më 27 shkurt.

4/36 Një bllok apartamentesh të shkatërruara në Borodijanka, në verilindje të Kievit, më 3 mars.

Marina Yatsko (majtas) dhe i dashuri i saj, Fedor, duke vrapuar për në spitalin e Mariupolit teksa mbajnë fëmijën 18 muajsh, Kirillin, të vrarë nga bombardimet, më 4 mars.<br />
<br /> — 5/36 Marina Yatsko (majtas) dhe i dashuri i saj, Fedor, duke vrapuar për në spitalin e Mariupolit teksa mbajnë fëmijën 18 muajsh, Kirillin, të vrarë nga bombardimet, më 4 mars.

6/36 Një grua mban macen e saj në një stacion metroje në Kiev më 8 mars. Skenat që të kujtojnë Luftën e Dytë Botërore tronditën botën në fillim të marsit, ndërsa civilët ukrainas u zhvendosën nën tokë për arsye sigurie, ndërsa Rusia lëshoi raketa dhe predha në disa prej qyteteve të mëdha.

7/36 Një grua shtatzënë e plagosur rëndë po transportohet me një barelë nga një maternitet në Mariupol që u godit nga një shpërthim rakete më 9 mars. Si gruaja, ashtu edhe foshnja vdiqën më pas.

8/36 Trupat e viktimave vendosen në një varr masiv në periferi të Mariupolit më 9 mars. Qyteti-port pësoi një shkatërrim të gjerë gjatë një rrethimi gati tremujor ku u vranë mijëra civilë.

9/36 Një ndërtesë banimi në Mariupol goditet nga një predhë tanku rus më 11 mars.

10/36 Redaktorja e televizionit rus, Marina Ovsyannikova, ndërpret një transmetim të drejtpërdrejtë më 14 mars me një pankartë ku shkruhej: "Ndaloni luftën. Mos i besoni propagandës. Ata ju gënjejnë këtu". Ovsyannikova u gjobit me 30,000 rubla (250 dollarë) dhe u transferua në Gjermani, ku më vonë mori çmimin 'Havel Dissent' për protestën e saj.

11/36 Zjarrfikësit ukrainas duke punuar në një ndërtesë banimi të bombarduara në Kiev, më 15 mars.

12/36 Një grua dhe papagalli i saj kalojnë përmes një pikë kontrolli të ushtrisë ruse ndërsa përpiqen të largohen nga Mariupol më 17 prill.

Misha, 5-vjeçare ndihmohet për t'u veshur nga gjyshi i saj në një spital në qytetin jugor të Mikolajivit më 26 mars. Misha u plagos gjatë një sulmi ajror rus.<br /> — 13/36 Misha, 5-vjeçare ndihmohet për t'u veshur nga gjyshi i saj në një spital në qytetin jugor të Mikolajivit më 26 mars. Misha u plagos gjatë një sulmi ajror rus.

14/36 Pasojat e një sulmi me raketa në qytetin perëndimor të Lvivit më 26 mars. Rusia përdori shumë raketa të tipit Kalibr në ditët e para të luftës që mund të goditnin objektiva qindra kilometra larg vijave të frontit. Gazetarja e Radios Evropa e Lirë, Vira Hyrych, u vra nga një raketë e tillë ndërsa ishte brenda banesës së saj në Kiev më 28 prill.

15/36 Autoblinda të shkatërruara ruse pranë Kievit më 31 mars.

16/36 Trupi i kryebashkiakes të qytetit të Motitzhinit dhe familjarëve të saj në një varr masiv më 4 prill pasi u zbuluan pas tërheqjes së forcave ruse nga rrethimi i Kievit. Anëtarët e familjes së saj kishin duart e lidhura, para se të ekzekutoheshin.

17/36 Gratë gatuajnë ushqim jashtë mbi një zjarr në Mariupol më 3 prill. Gazi, energjia elektrike dhe uji u ndërprenë ndërsa forcat ruse u futën në qytet.

18/36 Një banor vendas në një nga rrugët e shkatërruara të Mariupolit më 7 prill.

19/36 Ira Gavriluk mban macen e saj më 4 prill teksa qëndron mbi trupat e burrit, vëllait dhe një personi tjetër, të cilët u vranë jashtë shtëpisë së saj në Buça, në periferi të Kievit.

Militantët pro-rusë në periferi të Mariupolit më 9 prill.<br /> — 20/36 Militantët pro-rusë në periferi të Mariupolit më 9 prill.

21/36 Një ushtar rus shkrep një foto në rrugën kryesore të Mariupol nga teatri i shkatërruar i arteve të qytetit më 12 prill.

22/36 Trupat e pajetë të njerëzve të veshur me rroba civile në një rrugë në Mariupol më 16 prill.

23/36 Banorët e Buças presin shpërndarjen e ushqimeve, të organizuar nga Kryqi i Kuq më 18 prill.

24/36 Një vajzë përkulet pranë një varri në Mariupol më 19 prill. Ndërsa predhat dhe raketat ranë mbi qytet dhe numri i të vdekurve u rrit, pjesë të tokës, përfshirë parqe dhe anë të rrugëve u shndërruan në varreza të improvizuara.

Një foto e realizuar me dron më 1 maj në perferi të Rubizhne, në rajonin lindor të Ukrainës, në Luhansk, që u dëmtua rëndë nga luftimet.<br /> — 25/36 Një foto e realizuar me dron më 1 maj në perferi të Rubizhne, në rajonin lindor të Ukrainës, në Luhansk, që u dëmtua rëndë nga luftimet.

Një mortajë shpërthen pranë një rruge që të çon në qytetin e Lisiçanskut, në rajonin e Luhanskut më 2 maj. — 26/36 Një mortajë shpërthen pranë një rruge që të çon në qytetin e Lisiçanskut, në rajonin e Luhanskut më 2 maj.

27/36 Në një foto të bërë më 3 maj, Anna Shevchenko ujit lulet që i mbijetuan bombardimit të shtëpisë së saj. Shtëpia u ndërtua nga gjyshërit e Shevchenkos. Në kopshtin e saj të luleve mbijetuan trëndafila, zambakë dhe bozhure.

28/36 Një luftëtar pro-rus ecën përgjatë një rrugë banimi të shkatërruar në qytetin lindor të Popasnës më 8 maj.

29/36 Ushtarët ukrainas që po mbronin fabrikën e çelikut në Mariupol, në Azovstal, ulen në një autobus pasi u dorëzuan te forcat pro-ruse më 17 maj.

30/36 Arinjtë që i mbijetuan bombardimeve të kopshtit zoologjik të Mariupolit shihen gjatë një turi mediatik të organizuar nga ushtria ruse më 18 maj.

31/36 Një ushtarak rus brenda asaj që agjencia e lajmeve TASS e përshkruan si "baza e braktisur" e Batalionit Azov të Ukrainës në Mariupol më 18 maj.

32/36 Një mur me portretet e ushtarëve të rënë ukrainas në Kiev, më 23 maj.

33/36 Një grua ulet në gjunjë pranë trupit të burrit të saj, Alexey, i cili u vra gjatë bombardimeve të qytetit lindor të Harkivit më 26 maj.

34/36 Një luftëtar pro-rus qëndron përpara një flamuri të epokës komuniste që u përdor për të shënuar fitoret sovjetike mbi Gjermaninë naziste në Luftën e Dytë Botërore. Fotografia është bërë në qytetin lindor të Ukrainës, Svitlodarsk, më 28 maj.

35/36 Tymi ngrihet mbi Severodonjeck gjatë luftimeve të ashpra më 30 maj, ndërsa trupat ruse po afroheshin më shumë për të pushtuar qytetin lindor.

Një ushtarak i plagosur ukrainas duke u evakuuar nga vijat e frontit në Severodonjeck më 2 qershor.<br />
<br />
Që nga 3 qershori, vazhdojnë luftimet e ashpra në Ukrainën lindore, ndërsa forcat ruse vazhdojnë sulmin e tyre. Presidenti i Ukrainës, Volodymyr Zelensky, thotë se "60 deri në 100" ushtarë ukrainas po vdesin çdo ditë në betejë. — 36/36 Një ushtarak i plagosur ukrainas duke u evakuuar nga vijat e frontit në Severodonjeck më 2 qershor.

Që nga 3 qershori, vazhdojnë luftimet e ashpra në Ukrainën lindore, ndërsa forcat ruse vazhdojnë sulmin e tyre. Presidenti i Ukrainës, Volodymyr Zelensky, thotë se "60 deri në 100" ushtarë ukrainas po vdesin çdo ditë në betejë.

Dhe, koncepti i parashikuar nga ligjvënësit u jep pronarëve të apartamenteve kompensim financiar vetëm nëse ata mund të tregojnë se është shumë më lirë të riparohet ndërtesa ekzistuese sesa të ndërtohen banesa të reja.

"Ne morëm një vendim: nëse banesat shkatërrohen, ju mund të merrni kompensim vetëm në metra katrorë [të banesave alternative]", tha ligjvënësi Olena Shulyak për legjislacionin e ardhshëm.

Zyrtarët e Kievit janë zotuar tashmë të ndërtojnë dy komplekse të reja banimi, me një sipërfaqe të kombinuar prej 100.000 metrash katrorë. Por, edhe vlerësimet optimiste janë se ato projekte do të zgjasin të paktën pesë muaj.

Shkatërrimi i një qendre tregtare në Kiev pas sulmit rus

Bashkëngjite

Shkatërrimi i një qendre tregtare në Kiev pas sulmit rus

nga Radio Evropa e Lirë

Bashkëngjite

gjerësia px lartësia px

Materiali aktualisht nuk është në dispozicion.

0:00 0:00:36 0:00

Disa banesa modulare janë instaluar për familjet, përfshirë në Borodyanka, afër Kievit, ku u shkatërruan më shumë se 20 ndërtesa banimi shumëkatëshe. Ministri i zhvillimit rajonal, Oleksiy Chernyshov, thotë se ato do të përdoren për të akomoduar 352 persona.

Për herë të parë pas disa javësh, pati shpërthime në dy rrethe të Kievit gjatë natës më 4-5 qershor në ato që Klitschko tha se ishin sulme me raketa ruse.

Rusia tërhoqi forcat e saj nga zona përreth kryeqytetit në muajin prill, në atë që analistët thonë se ishte një përpjekje për të përqendruar fushatën e saj ushtarake në rajonin lindor të Donbasit dhe Ukrainën juglindore.

SHIKONI EDHE:

Putin kërcënon të godasë objektiva të reja në Ukrainë

Presidenti Vladimir Putin, ministri i Jashtëm, Sergei Lavrov, dhe zyrtarë të tjerë rusë kanë mohuar vazhdimisht se kanë shënjestruar civilët. Por, tre muaj bombardime dhe sulme të tjera në ndërtesa banimi, shkolla dhe spitale në Kiev dhe në mbarë vendin sugjerojnë të kundërtën.

Qytete dhe qyteza të tjera janë rrafshuar vetëm nga bombardimet e artilerisë ruse dhe sulme ajrore, përfshirë Mariupolin, një qytet strategjik jugor me gati gjysmë milioni banorë para luftës, që tani është nën kontrollin ushtarak rus.