Vazhdon mbyllja e qendrave të votimit
Në minutat e fundit u mbyllën qendrat e votimit edhe në 16 shtete, përfshirë Pensilvaninë, Miçiganin, Uiskonsinin dhe më herët Xhorxhian.
Këto katër shtete, bashkë me Karolinën e Veriut, Arizonën dhe Nevadën, njihen si shtete të papërcaktuara, ku gara është tejet e ngushtë.
Sytë në SHBA
Rezultati i zgjedhjeve presidenciale në SHBA mund ta prekë Ukrainën më shumë se çdo vend tjetër të huaj.
Kandidatët, Donald Trump dhe Kamala Harris, kanë pozicione shumë të ndryshme sa i përket mbështetjes për vendin në luftë, por se si do të vepronin në detyrë, nuk është saktësisht e qartë.
Ja një analizë për të gjithë ju që po na përcillni:
Sa vota kanë kandidatët tash për tash?
Trump ka 23 vota të Kolegjit Zgjedhor, ndërsa Harris tri.
Sipas rezultateve të shpallura nga CNN, AP, Reuters, Trump fitoi në Kentaki, Indiana dhe Uest Virxhinia, kurse Harris në Vermont.
Të rikujtojmë se...
- President zgjidhet kandidati që fiton së paku 270 vota nga gjithsej 538 sa ka Kolegji Zgjedhor.
- Kandidati i parë që siguron 270 vota të Kolegjit Zgjedhor, bëhet presidenti i 47-të i Shteteve të Bashkuara.
- Donald Trump, 78 vjeç, do të ishte presidenti më i vjetër amerikan në kohën e inaugurimit në janar.
- Kamala Harris, 60 vjeçe, do të ishte gruaja e parë dhe personi i parë me origjinë nga Azia Jugore që do të bëhej presidente e SHBA-së.