Xhudistët e Kosovës në karantinë
Komiteti Olimpik i Kosovës ka njoftuar se ekipi Olimpik i xhudos ka hyrë në karantinë.
Trajneri, Driton Kuka, që në ekip ka pesë garues, të cilët ndodhen brenda normës Olimpike Tokio 2020, ka theksuar se ekipi është izoluar në sallën stërvitëse në Pejë.
Lojërat Olimpike Tokio 2020 janë paraparë të mbahen prej 24 korrik – 9 gusht 2020 në Tokio të Japonisë.
Franca në izolim të plotë
Presidenti i Francës, Emmanuel Macron, njoftoi për masa shtesë në përpjekje për të parandaluar pëhapjen e virusit.
Nga mesdita e së martës ai tha se banorët duhet të qëndrojnë në shtëpi dhe do të ketë dënime për ata që shkelin rregullat. Përjashtim do të ketë vetëm për rastet ugjente.
“Ushtria do të përdoret për të ndihmuar transportimin e të sëmurëve në spital”, tha Macron.
Sipas tij, kufijtë do të mbyllen në marrëveshje me vendet e tjera të Bashkimit Evropian.
Edhe një rast i konfirmuar me koronavirus në Maqedoninë e Veriut
Në Maqedoninë e Veriut është regjistruar dhe një rast me koronavisurin e ri.
Numri i përgjithshëm i të infektuarve është 19 persona.
Ndërkaq, presidenti i Maqedonisë së Veriut, Stevo Pendarovski pas mbledhjes së Këshillit për Siguri Kombëtare ka theksuar se për momentin “nuk ka nevojë për shpalljen e gjendjes së krizës në të gjithë territorin si pasojë e koronavirusit”
Shkupi në ditët e koronavirusit
Aktori i njohur diagnostifikohet me koronavirusin e ri
Aktori britanik, Idris Elba, tha se testi i tij për koronavirusin e ri ka dalë pozitiv.
Elba, një yll i "Avengers: Infinity War", tha në një postim në Twitter se po ndjehet mirë dhe se
nuk kishte asnjë simptomë deri më tani, por po e izolonte veten nga të tjerët.