Brezovica e braktisur në periudhën e pandemisë. Ju sjellim disa fotografi nga ajo pjesë e Kosovës.
Brezovica e braktisur në periudhën e pandemisë
BE-ja i kërkon Kosovës t'i lërë anash dallimet politike
Shefja e zyrës së Bashkimit Evropian në Kosovë, Nataliya Apostolova, ka kërkuar që në Kosovë, të lihen anash dallimet politike dhe debatet e padobishme, dhe të ketë angazhim në përgjigjen ndaj krizës së pandemisë.
Ajo ka theksuar se shoqëria e Kosovës, sikur të tjerat në botë, po përballet me një krizë të pashembullt shëndetësore, që urgjentisht ka nevojë për një përgjigje nga të gjitha autoritetet e Kosovës, bashkë me një reagim dhe bashkëpunim nga të gjithë qytetarët e saj.
Lajmin e plotë mund ta lexoni këtu.
Në Serbi konfirmohet edhe 284 raste me koronavirus
Deri më 5 prill, në ora 3 pasdite, në Serbi janë regjistruar 284 raste të reja të të infektuarve me koronavirus, tha epidemiologu, Predrag Kon.
Numri i përgjithshëm i të infektuarve në këtë vend ka arritur në 1,908.
Në 24 orët e fundit, shtatë persona vdiqën nga komplikimet e shkaktuara nga infeksioni, duke e çuar numrin e përgjithshëm të vdekjeve në 51, tha Kon.
"Ne jemi në ngritje të kësaj epidemie dhe transmetimit të shpejtë që prisnim. Kjo na bën të vetëdijshëm se është e nevojshme t'i përmbahemi sa më shumë shmangjes së kontakteve, sepse nuk kemi rrugëdalje tjetër", tha ai.
E pyetur nga mediat nëse disa zyrtarë në qeverinë serbe ishin infektuar me koronavirus, drejtoresha e Institutit për Shëndet Publik, Darija KisiqTepavçeviq, konfirmoi rastet, por nuk dëshiroi të zbulonte identitetin e tyre.
Bizneset në ankth për të mbijetuar
Aktiviteti i kufizuar ekonomik, mbyllja e dyqaneve, bizneseve, janë vetëm disa nga masat që Qeveria e Kosovës ka ndërmarrë, për të parandaluar përhapjen e koronavirusit në vend.
Dhe në kohën kur ende nuk dihet se kur do të mund të flitet për lehtësim masash, bizneset numërojnë humbjet e tyre.
Rreth një milion euro më pak ka pasur të hyra në muajin mars kompania "Frutex" nga Suhareka.
Artikullin e plotë mund ta lexoni këtu.