Personat që dalin nga karantina do të nënshkruajnë një deklaratë nën betim
Personat që dalin nga karantina në Qendrën e Studentëve në Prishtinë, do të nënshkruajnë një deklaratë nën betim, përmes së cilës zotohen se do të vetizolohen. Kështu thuhet në një njoftim të Ministrisë së Shëndetësisë së Kosovës.
Aty theksohet se këta persona do të jenë në monitorim të vazhdueshëm.
"Shkelja e udhëzimeve të Ministrisë së Shëndetësisë dhe Institutit Kombëtar të Shëndetit Publik (IKSHPK), për vetizolimin e obliguar do të dënohet sipas legjislacionit në fuqi për situatat emergjente të shëndetësisë publike", thuhet në njoftim.
Ministria thotë se në të njëtën kohë, do të vazhdoj testimi edhe i personave që kanë mbushur mbi 2 javë në karantinën në Qendrën e Studentëve në Prishtinë dhe lirimi nga karantina do të jetë gradual, i bazuar në rezultatet e testeve të bëra nga IKSHPK-ja.
Qendra e Studentëve në Prishtinë tashmë ka kaluar në menaxhim të drejtpërdrejtë të Ministrisë së Shëndetësisë deri në pushimin e gjendjes emergjente të shpallur nga Qeveria e Kosovës. Aty janë vendosur në karantinë një numër i konsiderueshëm i personave.
Pamje nga karantinat në Prishtinë
Në kohë të koronavirusit, shpesh po përmendet sa të rrezikuar janë personat e moshuar, por nuk duhet treguar më pak kujdes edhe për foshnjat.
Në Bankok disa infermiere kanë fotografuar disa foshnja të porsalindura me mburoja në kokë, me qëllim të mbrojtjes nga koronavirusi.
Ndihma nga robotët
Në një spital në veri të Italisë, disa robotë janë duke ndihmuar mjekët dhe infermierët që kujdesen për pacientët e infektuar me koronavirus. (Pamje: AP)
Japoni: Mbi 6,000 persona të infektuar me Covid-19
Numri total i personave të infektuar me koronavirus ka tejkaluar shifrën 6,003 ka njoftuar transmetuesi publik në këtë shtet, NHK.
Më herët gjatë kësaj jave, Japonia ka shpallur gjendje të jashtëzakonshme me qëllim të luftimit të sëmundjes, Covid-19, që shkakton koronavirusi në zonat e popullura.
