Japonia shpall izolimin mbarëkombëtar
Japonia ka shpallur gjendje të jashtëzakonshme në tërë vendin, për shkak të përkeqësimit të situatës me pandeminë e koronavirusit të ri.
Vendimi lejon qeveritë rajonale të udhëzojnë njerëzit të qëndrojnë brenda, por pa masa ndëshkuese.
Gjendja e jashtëzakonshme do të mbetet në fuqi deri më 6 maj. Më parë kryeministri i Japonisë, Shinzo Abe, kishte deklaruar një gjendje të jashtëzakonshme në shtatë rajone.
Por më 16 prill ai tha se "gjendja e jashtëzakonshme do të zgjerohet në gjitha rajonet".
Ndërsa numri i të infektuarve në Japoni është rritur, janë shtuar edhe kritikat ndaj përgjigjes që i ka bërë qeveria krizës së pandemisë.
Rastet me COVID-19, gjithnjë e më të rënda, thotë ministri Vitia
Ministri në detyrë i Shëndetësisë në Kosovës, Arben Vitia ka bërë të ditur se rastet me koronavirus që po paraqiten në spitale, janë gjithnjë e më të rënda.
Përmes një postimi në rrjetin social Faebook, Vitia bën thirrje për respektim të masave kundër përhapjes së koronavirusit.
Lajmin e plotë mund ta lexoni këtu.
SHBA-ja e përshëndet bisedën e zhvilluar ndërmjet ministrave Vitia dhe Llonçar
Ministrat e Shëndetësisë së Kosovës dhe Serbisë, Arben Vitia dhe Zllatibor Llonçar kanë zhvilluat një bisedë përmes një video-lidhjeje, ku kanë diskutuar masat kundër përhapjes së koronavirusit të ri.
Kjo është bërë e ditur nga ambasadorët e SHBA-së në Kosovë dhe Serbi, Philip Kosnett dhe Anthony Godfrey, të cilët kanë publikuar në rrjetin social Twitter një mesazh të përbashkët, përmes të cilit e kanë përshendetur këtë iniciativë.
Lajmin e plotë mund ta lexoni në këtë link.
Sonte, koncerti online i Filharmonisë së Kosovës
Filharmonia e Kosovës do të transmetojë sonte një koncert online. Koncerti fillon në ora 20 dhe mund ta ndiqni në faqen e Filharmonisë së Kosovës në rrjetin social Facebook përmes këtij linku.
Për shkak të situatës me pandeminë Filharmonia e Kosovës që nga fillimi i muajit prill po transmeton koncertet e saja online.