Personazhet e çative të Pragës
Me pjesën më të madhe të botës të mbyllur për udhëtim, për shkak të pandemisë së koronavirusit, foto-reporteri i Radios Evropa e Lirë, Amos Chapple, ka eksploruar Pragën dhe personazhet e çative të saj, që me shekuj qëndrojnë "të izoluar" mbi rrugët e lashta të qytetit.
Personazhet e çative të Pragës
Parlamenti serb nis punën me maska, doreza e mburoja
Ligjvënësit serbë janë mbledhur të martën në mbledhjen e parë parlamentare, prej kur Serbia ka shpallur gjendje të jashtëzakonshme për ta luftuar koronavirusin e ri. Brenda parlamentit janë instaluar mburoja plastike, për t’i mbrojtur deputetët në Beograd. Ata kanë diskutuar projektligjin për ratifikim të gjendjes të jashtëzakonshme, pas dekretit të presidentit serb, Aleksandar Vuçiq.
90 minutat e "ikjes" nga izolimi
Jusuf Islami është “bloger” nga Prishtina. Që nga shfaqja e pandemisë së koronavirusit ai është shumë aktiv në rrjete sociale, duke publikuar fotografi dhe video të pasioneve të tij: vrapimit dhe gatimit. Ai ka disa këshilla të rëndësishme për të mos shtuar peshë nga mungesa e aktivitetit fizik në kohën e pandemisë.
Banka Botërore parasheh rënie të ekonomisë në Kosovë
Banka Botërore ka paraparë rënie të ekonomisë në Kosovë prej 4.5 për qind në vitin 2020, për shkak të sëmundjes COVID-19, që shkakton koronavirusi i ri.
Megjithatë ajo ka thënë se mund të ketë rikthim të rritjes më 2021.
Në raportin e publikuar të mërkurën është thënë se “Banka Botërore është duke finalizuar një program aktivitetesh, që mund të tejkalojë 120 milionë euro, për të mbështetur Kosovën në menaxhimin dhe zbutjen e ndikimit të koronavirusit”.
Ky program përfshin mes tjerash një projekt të ri me procedura të përshpejtuara për t’iu përgjigjur prioriteteve urgjente të sektorit të shëndetësisë dhe për të mbrojtur të ardhurat e ekonomive familjare.
“Banka Botërore është e përkushtuar të mbetet partner i fortë për Kosovën gjatë këtyre kohërave të vështira dhe ekipet tona po punojnë për t’i ndihmuar Kosovës për t’iu përgjigjur sa më shpejt krizës së COVID-19”, ka thënë, Marco Mantovanelli, menaxher i Bankës Botërore për Kosovën.
“Pas aprovimit nga Banka Botërore, është i nevojshëm nënshkrimi i shpejtë i marrëveshjes nga Qeveria si dhe ratifikimi nga Kuvendi për të siguruar që fondet janë në dispozicion për të përfituar Kosova dhe qytetarët e saj”, ka thënë mes tjerash ai.
Sipas këtij raporti, shpërthimi i pandemisë me koronavirus dhe masat e nevojshme të frenimit të saj janë duke shkaktuar presion të paparë për investimet, konsumin privat, por edhe për eksportet dhe remitancet nga diaspora.
Raporti i fundit përqendrohet në ndikim makroekonomik të këtij virusi në vendet e Ballkanit Perëndimor.
Marrë parasysh të dhënat e fundit, në Kosovë deri më tani janë regjistruar 790 persona të infektuar, 232 të shëruar dhe 22 të vdekur, si pasojë e koronavirusit të ri.