Vdes ushtari polak që ishte therur nga një emigrant në kufirin bjellorus
Vdes ushtari polak që ishte therur nga një emigrant në kufirin bjellorus
Një ushtar polak patrullon përgjatë murit metalik në kufirin e Polonisë me Bjellorusinë. (Fotografi nga arkivi)
Një ushtar polak, i cili ishte therur nga një emigrantë në kufirin me Bjellorusinë, ka vdekur të enjten, njoftuan autoritetet polake.
Ushtari, i identifikuar vetëm me emrin Mateusz, ishte therur pesë herë përmes gardhit metalik pesë metra të lartë derisa po e patrullonte kufirin, sipas mediave lokale.
Ushtria polake raportoi për dy sulme të tjera ndaj trupave të saj në kufi javën e kaluar. Njëri ushtar pësoi plagë nga therja me thikë të ngjitur në një shkop dhe një tjetër pësoi lëndime në fytyrë pasi u sulmua me një shishe të thyer.
Polonia e ka akuzuar Rusinë se po e orkestron fluksin e emigrantëve drejt Polonisë përmes aleatit të Kremlinit, Bjellorusisë.
Në fund të majit, kryeministri polak Donald Tusk tha se Qeveria e tij do ta kthejë zonën neutrale 200 metra të gjatë në kufi me Bjellorusinë në javën e parë të qershorit.
Në javët e fundit është rritur numri i emigrantëve që kanë tentuar ta kalojnë jashtëligjshëm kufirin, ndërsa rojet kufitare kanë raportuar për një numër incidentesh të dhunshme.
Përpjekje të vazhdueshme në kufirin e Polonisë për t'i zmbrapsur migrantët që nis Bjellorusia
1/9Emigrantëve u është bllokuar hyrja në Poloni nga barrierat metalike të ngritura përgjatë kufirit me Bjellorusinë në pyllin Bialowieza më 29 maj.
Polonia thotë se Bjellorusia fqinje dhe mbështetësi i saj kryesor, Rusia, qëndrojnë pas rritjes së fluksit të emigrantëve nga Bjellorusia drejt Bashkimit Evropian, një lëvizje kjo për të krijuar një krizë.
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk.
(Përgatiti: Syzanë Paçarizi)
2/9Aktivistët polakë duke i ofruar ndihmë një emigranti algjerian që arriti në territorin e Polonisë në pyllin Bialowieza.
Numri i tentimeve për kalime të paligjshme të kufirit nga Bjellorusia në Poloninë anëtare të BE-së, është rritur në muajt e fundit në pothuajse 400 në ditë nga vetëm disa të tillë ditë më parë këtë vit, thonë zyrtarët polakë.
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk.
(Përgatiti: Syzanë Paçarizi)
3/9Kryeministri i Polonisë, Donald Tusk, (përpara djathtas), ministri i Mbrojtjes, Wladyslaw Kosiniak-Kamysz (në mes) dhe ministri i Brendshëm, Tomasz Siemoniak, (në mes ana e djathtë) duke vizituar trupat në Dubicze Cerkiewna, në lindje të Polonisë, më 29 maj.
"Ne nuk kemi të bëjmë me asnjë azilkërkues këtu, kemi të bëjmë me një operacion të koordinuar, shumë efikas -- në shumë nivele -- për ta thyer kufirin polak dhe me përpjekje për të destabilizuar vendin", tha Tusk.
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk.
(Përgatiti: Syzanë Paçarizi)
4/9Vizita e Tuskut në kufi pasoi një sulm të rëndë me thikë ndaj një ushtari pranë fshatit Dubicze Cerkiewne, kur një migrant u zgjat midis hekurave të barrierës më se 5 metra të lartë dhe goditi një ushtar në brinjë. Forcat e sigurisë nuk arritën ta ndalonin sulmuesin sepse ai ishte në anën bjelloruse të pengesës, thanë zyrtarët.
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk.
(Përgatiti: Syzanë Paçarizi)
5/9Rojet kufitare të Polonisë kanë dënuar sjelljen gjithnjë e më agresive të disa emigrantëve në anën Bjellorusia të kufirit.
Polonia ka rifutur një zonë neutrale prej 200 metra pas sulmit ndaj ushtarit në kufi dhe tha se do të përdorë "të gjitha mjetet në dispozicion" për të mbrojtur kufirin e vendit të NATO-s.
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk.
(Përgatiti: Syzanë Paçarizi)
6/9Vjetëve të fundit, autoritetet e BE-së kanë akuzuar presidentin autoritar bjellorus, Aleksandër Lukashenko, se po e përdor migrimin si armë për ta destabilizuar bllokun duke i joshur njerëzit në vendin e tij të gjejnë një pikë më të lehtë hyrjeje në BE sesa rrugët e rrezikshme përmes Detit Mesdhe.
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk.
(Përgatiti: Syzanë Paçarizi)
7/9Në nëntorin e vitit 2021, shpërthyen përleshje të rënda (në foto) ndërmjet migrantëve dhe rojeve kufitare polake në kufirin Poloni-Bjellorusi afër Grodnos, Bjellorusi.
Rreth 2.000 emigrantë ishin në kufi në kampet e improvizuara në mot me ngrica, por vetëm rreth 100 besohej se ishin të përfshirë në sulmin ndaj forcave polake në vendkalim, tha zëdhënësja e Gardës Kufitare, Anna Michalska.
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk.
(Përgatiti: Syzanë Paçarizi)
8/9Emigrantët e strehuar që ta kalojnë natën në një qendër logjistike në kufirin Bjellorusi-Poloni pranë Grodnos, Bjellorusi, më 16 nëntor 2021.
Organizata Human Rights Watch akuzoi autoritetet bjelloruse për prodhimin e krizës "pa i marrë parasysh pasojat në njerëz".
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk.
(Përgatiti: Syzanë Paçarizi)
9/9Polonia është kritikuar, gjithashtu, nga grupet për të drejtat e njeriut për shtyrjen e emigrantëve në Bjellorusi dhe moslejimin e tyre për të aplikuar për azil.
“Nuk ka vend për negociata. Kufiri i Polonisë duhet të mbrohet”, tha Tusk.
Emigrantët që kanë udhëtuar drejt vendeve ish-sovjetike nga Lindja e Mesme dhe Afrika janë bërë peng në një përpjekje të Rusisë dhe Bjellorusisë për ta destabilizuar Evropën, pretendon kryeministri polak, Donald Tusk.
(Përgatiti: Syzanë Paçarizi)
Previous slide
Next slide
Polonia synon t’i shpenzojë 2.55 miliardë dollarë për forcimin e kufirit me Bjellorusinë.
Javë më parë, ministri polak i Mbrojtjes, Wladyslaë Kosiniak-Kamysz, tha se Polonia është e gatshme ta rrisë numrin e trupave në kufi nga 5.500 sa ka tani, por nuk tregoi se sa saktësisht.
