Zelensky para takimit me Trumpin: Dronët dhe raketat ruse ende po e terrorizojnë Ukrainën
Zelensky para takimit me Trumpin: Dronët dhe raketat ruse ende po e terrorizojnë Ukrainën
Presidenti ukrainas, Volodymyr Zelensky, dhe ai amerikan, Donald Trump, gjatë takimit të tyre në margjinat e Asamblesë së Përgjithshme të OKB-së në Nju Jork. 23 shtator 2025.
Presidenti ukrainas, Volodymyr Zelensky, tha se dronët rusë sulmuan qytetin e tij të lindjes në Ukrainë në prag të takimit të tij me presidentin amerikan, Donald Trump, në Shtëpinë e Bardhë.
Zelensky tha se sulmi në Krivij Ri, në juglindje të Ukrainës, në orët e vona të 16 tetorit, ishte një shembull se si Rusia “ende po e terrorizon Ukrainën”, dhe shtoi se kishte “dhjetëra dronë të tjerë sulmues në qiellin tonë” dhe po ashtu ishin parë edhe raketa.
“Në fakt, në javët e fundit nuk ka kaluar asnjë natë pa sulme ruse në Ukrainë” dhe shumica kishin për shënjestër infrastrukturën, shkroi Zelensky në X pasi arriti në Uashington për takimin me Trumpin.
Zelensky tha se Rusia do të detyrohet ta ndalë luftën vetëm kur të mos jetë në gjendje ta vazhdojë atë dhe mënyra se si Rusia mund të shfaqë gatishmërinë e vërtetë për paqe nuk qëndron te fjalët, por te ndalja e sulmeve dhe vrasjeve.
“Prandaj, çdo sistem i mbrojtjes ajrore për Ukrainë ka rëndësi. Çdo vendim që mund të forcojë ne, e sjellë më afër përfundimin e luftës. Siguria mund të garantohet nëse gjithçka për të cilën ne jemi pajtuar, përfshirë këtu në Uashington, zbatohet”, tha ai.
Bisedimet mes Trumpit dhe Zelenskyt pritet të përfshijnë diskutime për mbrojtjet ajrore të Ukrainës dhe kapacitetet për sulme me rreze të gjatë veprimi, përfshirë mundësinë që SHBA-ja t’i japë Ukrainës raketa Tomahawk.
Si do të mund ta ndihmonin Ukrainën raketat amerikane Tomahawk
1/8Një version i hershëm i raketës Tomahawk, duke u testuar mbi Nju-Meksiko, më 1976.
Tomahawk u krijua në vitet '70, mes tensioneve të Luftës së Ftohtë me Bashkimin Sovjetik. Raketa lundruese është e menduar për të fluturuar në largësi të mëdha, mjaftueshëm ulët për të shmangur shumicën e radarëve, me shpejtësi të një avioni pasagjerësh.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
2/8Fotografi e kombinuar që shfaq një Tomahawk duke shpërthyer mbi një aeroplan, gjatë testimeve më 1986.
Raketa me gjatësi prej 5.5-metrash është e pajisur me një predhë me peshë prej gjysmë toni, dhe mund të fluturojë rreth 1.600 kilometra.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
3/8Kombinimi i rrezes së veprimit, shpejtësisë dhe fuqisë shkatërruese e bën atë të jetë armë që s'e ka shokun në fushëbetejë në Ukrainë.
Secila raketë është e pajisur me sisteme komplekse të brendshme të navigacionit, dhe kushton rreth 2 milionë dollarë.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
4/8Një Tomahawk duke fluturuar pranë një avioni luftarak F-14 të marinës së SHBA-së, mbi Kaliforninë jugore, më 2002.
Kievi ka bërë vazhdimisht thirrje për furnizim me raketa amerikane me rreze të gjatë veprimi. Më 2024, presidenti ukrainas, Volodymyr Zelensky, la të kuptohet se Kievi kishte kërkuar Tomahawk. Një zyrtar i Shtëpisë së Bardhë asokohe u raportua ta kishte quajtur kërkesën "tërësisht të parealizueshme".
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
5/8Personeli i marinës britanike duke ngarkuar një Tomahawk në një bazë detare në Oqeanin Indian, në nëntorin e vitit 2001.
Presidenti amerikan, Donald Trump, ka shprehur zemërim gjithnjë e më të madh me Moskën për shkak të ngecjes së negociatave për paqe. Furnizimi i mundshëm i Ukrainës me Tomahawk u raportua të jetë kthyer në agjendë së voni, teksa Shtëpia e Bardhë po synon ta detyrojë Kremlinin "t'i përjetojë dhimbjet" e luftës që ka nisur.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
6/8Një Tomahawk e lëshuar nga një nëndetëse duke goditur një objektiv në Ishullin San Klementi, një qendër stërvitore e marinës amerikane pranë bregut të Kalifornisë jugore, gjatë një prove të kryer në nëntorin e vitit 1998.
Në një bisedë telefonike në fillim të muajit korrik, presidenti Trump raportohet ta ketë pyetur homologun Zelensky: "Volodymyr, a mund ta godisni ju Moskën? [...] A mund ta godisni edhe Shën Petersburgun?". Presidenti ukrainas thuhet të jetë përgjigjur: "Sigurisht se po. Mundemi, nëse na i jepni armët".
Më 15 korrik, Trump mohoi se po synon ta armatosë Kievin me raketat me rreze të gjatë veprimi.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
7/8Një anije e marinës amerikane duke lëshuar një raketë Tomahawk në Detin Mesdhe, në marsin e vitit 2011.
Nuk dihet se si do ta përdorte Ukraina armën, e cila lëshohet zakonisht nga anijet apo nëndetëset luftarake.
Raketat Tomahawk mund të lëshohen edhe nga disa aeroplanë luftarkë, por një zyrtar ukrainas ka pranuar se ato "nuk janë të lehta për t'u përdorur" pa avionë bombardues strategjikë, të cilët Kievi nuk i ka.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
8/8Sistemet amerikane Typhoon, të cilat mund të lëshojnë raketa lundruese Tomahawk.
Raketalëshues të rinj tokësorë për Tomahawk ekzistojnë, por teknologjinë aktualisht e zotëron vetëm SHBA-ja.
Sistemet e lëshimit nga toka për raketat lundruese nisën të ndërtohen pas dështimit të Traktatit për Forcat Bërthamore me Rreze Mesatare Veprimi, më 2019. Marrëveshja SHBA-Rusi ndalonte raketat tokësore me rreze prej ndërmjet 500 dhe 5.500-kilometrash.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
Previous slide
Next slide
Trump njoftoi më 16 tetor se ai dhe presidenti rus, Vladimir Putin, zhvilluan një bisedë telefonike dhe u pajtuan që të takohen në Budapest.
Trump shkroi në rrjetet sociale se do të ketë një takim të nivelit të lartë të këshilltarëve javën e ardhshme, para se ai dhe Putini të takohen “për të parë nëse mund ta përfundojmë këtë luftë të ‘palavdishme’ mes Rusisë dhe Ukrainës”.
Delegacioni amerikan do të udhëhiqet nga sekretari i Shtetit, Marco Rubio, tha ai. Lokacioni i takimit të këshilltarëve ende nuk është përcaktuar.
Presidenti Trump u tha gazetarëve në Shtëpinë e Bardhë se ai pret që të takohet me Putinin “brenda dy javësh”, duke shtuar se mikpritës i takimit do të jetë kryeministri hungarez, Viktor Orban, i cili ka mbajtur raporte të mira me Rusinë, teksa ka vënë në dyshim dërgimin e ndihmës ushtarake për Ukrainën.
“Takimi i planifikuar mes presidentit amerikan dhe atij rus është një lajm i shkëlqyer për njerëzit paqedashës në botë”, shkroi Orban në X. “Ne jemi gati”.
Si Kremlini, ashtu edhe Shtëpia e Bardhë e vlerësuan bisedën telefonike Trump-Putin, duke e quajtur “të mirë” dhe “produktive”.
Këshilltari për politikë të jashtme i Kremlinit, Yuri Ushakov, tha se biseda ishte “jashtëzakonisht e hapur”, duke shtuar se detajet do të diskutohen gjatë një bisede telefonike mes sekretarit Rubio dhe ministrit të Jashtëm rus, Sergei Lavrov, që do të zhvillohet në ditët në vijim.
Ushakov deklaroi se Putin i tha Trumpit që furnizimi i Ukrainës me raketa Tomahawk nuk do të ndryshonte situatën në fushëbetejë, por të do të dëmtonte përpjekjet për paqe dhe raportet mes Rusisë dhe SHBA-së.
Zelensky tha përmes një postimi në Telegram pasi arriti në Uashington se duket që Rusia dëshiron të rinisë dialogun, pas mundësisë që SHBA-ja të dërgojë raketa Tomahawk.
“Veçse e kemi parë që Moska po ngarendë që të rinisë dialogun sa më shpejt që të jetë e mundur pasi ka dëgjuar për raketat Tomahawk”, shkroi ai.
Trump dhe Zelenskyy biseduan dy herë gjatë fundjavës, në mes të diskutimeve që janë intensifikuar për një vendim të mundshëm të SHBA-së për t’i dhënë Ukrainës raketa Tomahawk. Trump nuk e ka përjashtuar këtë mundësi, por më 16 tetor tha se Shtetet e Bashkuara nuk mund të “shterojnë” rezervat e tyre të Tomahawk-ëve.
Këto armë kanë një rreze deri në 2.500 kilometra – mjaftueshëm për të arritur deri në Moskë nga Ukraina – dhe mund të pajisen me koka bërthamore. Trump i përshkroi ato si një “armë të pamëshirshme, sulmuese dhe jashtëzakonisht shkatërruese” duke shtuar: “Askush nuk do që të sulmohet me Tomahawk”.
Trump tha se e ka përmendur çështjen e Tomahawk-ëve gjatë bisedës me Putinin, dhe se udhëheqësit rus “nuk i pëlqeu ideja”.
![Një Tomahawk e lëshuar nga një nëndetëse duke goditur një objektiv në Ishullin San Klementi, një qendër stërvitore e marinës amerikane pranë bregut të Kalifornisë jugore, gjatë një prove të kryer në nëntorin e vitit 1998.<br><br>Në një bisedë telefonike në fillim të muajit korrik, presidenti Trump raportohet ta ketë pyetur homologun Zelensky: "Volodymyr, a mund ta godisni ju Moskën? [...] A mund ta godisni edhe Shën Petersburgun?". Presidenti ukrainas thuhet të jetë përgjigjur: "Sigurisht se po. Mundemi, nëse na i jepni armët".<br><br>Më 15 korrik, Trump mohoi se po synon ta armatosë Kievin me raketat me rreze të gjatë veprimi.](https://gdb.rferl.org/a036e9d4-3ac5-4f2d-9386-08ddc37e21a1_w1024_q10_s.jpg)
