Dhuna seksuale nuk është diçka e re në kohë lufte, madje kjo lloj dhune dokumentohet prej shekujsh. Por, rezoluta e miratuar së fundi nga Këshilli i Sigurimit i Kombeve të Bashkuara thekson se dhunimet nuk janë thjesht produkt i luftës, por taktikë ushtarake.
Sekretari amerikan i Mbrojtjes, Robert Gates, ka deklaruar se Uashingtoni duhet t’i ngrejë kapacitetet e veta bërthamore. Në anën tjetër, presidenti i ri i Rusisë, Dmitry Medvedev, ka bërë thirrje që Moska të forcojë forcat e saj bërthamore.
Shtetet e Bashkuara dhe Bashkimi Evropian do të vazhdojnë të mbështesin stabilitetin dhe sigurinë e Kosovës, integrimet e saj rajonale dhe zhvillimin e saj ekonomik e institucional.
Çështja e Iranit pritet të jetë ndër mosmarrëveshjet kryesore rreth politikës së jashtme, në kohën e fushatës për president të Shteteve të Bashkuara.
Në Komisionin e Helsinkit të SHBA-ve është mbajtur një seancë dëgjimore për gjendjen aktuale të pakicave në Kosovë. Autoritetet kosovare u përgëzuan për përkushtimin e tyre në planin e Ahtisaarit, por prej tyre u kërkua zbatim i tij i mirëfilltë.
Kreu i Kombeve të Bashkuara, Ban Ki-moon, hapi konferencën ndërkombëtare mbi krizën aktuale të ushqimeve, duke theksuar se në pyetje ishin gjëra tejet të rëndësishme për njerëzimin.
Senatori demokrat, Barack Obama, duket se do të jetë kandidati i parë afrikano – amerikan për president në historinë e SHBA-ve. Zoti Obama tha se do ta përfaqësojë Partinë Demokratike në zgjedhjet presidenciale kundër kandidatit republikan John McCain.
Shtetet e Bashkuara dhe Bashkimi Evropian i kanë bërë thirrje Maqedonisë të përsërisë zgjedhjet në zonat ku pati probleme dhe të hetojë përgjegjësit për pengesat në votime.
Të dy garuesit e Partisë Demokratike për kandidat në zgjedhjet presidenciale të Shteteve të Bashkuara, senatorët Hillary Clinton dhe Barack Obama, kanë dhënë vlerësime të larta për njëri-tjetrin dhe fushatat e tyre të zhvilluara deri më tash.
Organizata botërore për të drejtat e njeriut "Amnesty International", në raportin e publikuar, tërheq vërejtjen kryesisht për dështimet në sistemin e drejtësisë në Kosovë dhe për mungesën e zbatimit të ligjeve në fuqi për mbrojtjen e të drejtave të njeriut.
Amnesty International u ka bërë thirrje qeverive në mbarë botën që sërish t'i përkushtohen Deklaratës Universale për të Drejtat e Njeriut. Organizata, e cila sapo e ka publikuar raportin e përvitshëm për gjendjen e të drejtave të njeriut, e bëri këtë apel në 60-vjetorin e miratimit të Deklaratës themeltare të Kombeve të Bashkuara.
Sonda hulumtuese Phoenix e Shteteve të Bashkuara ka ateruar në polin verior të Marsit, për të analizuar shenjat se ky planet ndoshta ka pasur kushte për jetë. Agjencia amerikane e gjithësisë, NASA, thotë se të gjitha instrumentet shkencore në sondë po punojnë dhe se analizat e para do të fillojnë brenda disa ditësh.
Në raportin e saj të fundit, Organizata për Ushqim dhe Bujqësi e Kombeve të Bashkuara (FAO) jep pak shpresa se çmimet e larta të ushqimit mund të kthehen në nivelet e mëparshme.
Qeveria e Shteteve të Bashkuara e ka shpallur ariun polar specie të rrezikuar. Shkencëtarët thonë se kjo është pasojë e ngrohjes globale dhe shkrirjes së akullnajave.
Izraeli kremton 60 vjetorin me një histori të shënuar me dhunë dhe luftëra kontraverse, të zhvilluara në emër të së drejtës për ekzistencë, zgjerimit të territorit dhe mbrojtjes së popullsisë nga kërcënimet e jashtme.
Motivet pas martesave me gra ruse në ish-republikat sovjetike lidhen me përpjekjet për të ngjitur shkallët e karrierës. Moska e ka mbështetur këtë politikë. Në ish-republikat sovjetike, Ukrainë dhe Gjeorgji, vende me orientim pro-perëndimor, zonjat e para janë amerikane dhe holandeze. Nuk mund të thuhet ende me siguri a është rastësi.
Pas shpalljes së pavarësisë së Kosovës më 17 shkurt, qytetarët e saj janë gjithnjë e më të vetëdijshëm për detyrimet që vijnë me shtetësinë. Për shumicën e banorëve pavarësia ishte vërtetë odë gëzimi, për serbët vazhdon të jetë e papranueshme.
Dy rivalët e Partisë Demokratike për kandidimin presidencial në Shtetet e Bashkuara kanë dalë me nga një fitore për secilin, në zgjedhjet e fundit brenda-partiake. Por, derisa Barack Obama ka fituar me një dallim të mjaftueshëm në Karolinën Veriore, Hillary Clinton ka fituar me një rezultat të ngushtë në Indiana. Të dy kandidatët vazhdojnë të mbeten në garë për në Shtëpinë e Bardhë.
Gjatë një takimi në Zvicër, liderët janë pajtuar që të formojnë një grup punues, në krye të të cilit është vënë Sekretari i Përgjithshëm i Kombeve të Bashkuara, Ban Ki Moon. Në samit u është bërë thirrje vendeve që të mos e kufizojnë eksportin e ushqimit.
Qeveria e SHBA-ve po heton kompaninë private amerikane AEY, se ka furnizuar me armatime të vjetra e të papërdorshme forcat afgane të sigurisë. Ky lloj armatimi rrezikon trupat dhe ul efikasitetin e tyre në luftën kundër Al Kaidës.
Shfaq më shumë
