Zijadin Gashi

Prodhuar nga Zijadin Gashi

• 7 janar 2010

  Ndryshimet në Qeveri të domosdoshme

  Qeveria e Kosovës ka nevojë për freskime me ministra të rinj, vlerësojnë analistët në Prishtinë. Sipas tyre, ndryshimet në Qeveri duken të jenë alternativë më e mirë, sesa zgjedhjet e parakohshme. Sidoqoftë, ata presin që ndryshimet e paralajmëruara t’i lënë jashtë Qeverisë zyrtarët që janë nën hetime, për shkak të dyshimeve për afera korruptive.

• 6 janar 2010

  Pro dhe kundër lejimit të vizitës së Tadiqit

  Duke e komentuar vizitën e presidentit serb, Boris Tadiq, në Kosovë, analistët ndajnë pikëpamje të ndryshme rreth lejimit të kësaj vizite dhe mesazheve që jep ajo për komunitetin serb dhe opinionin kosovar në përgjithësi.

• 5 janar 2010

  Të gatshëm për freskimin e Qeverisë

  Kryeministri i Kosovës, Hashim Thaçi, pritet t’i njoftojë partitë në koalicionin qeverisës, PDK-në dhe LDK-në, me vendimin e tij për riformatizimin e Qeverisë aktuale. Ky proces tashmë është pranuar nga partitë në Qeveri.

• 4 janar 2010

  Gjykatat e paligjshme

  Prishtina zyrtare e ka cilësuar si ndërhyrje në punët e brendshme të Republikës së Kosovës vendimin e Beogradit për emërimin e gjykatësve dhe prokurorëve serbë në gjykatën në veri të Mitrovicës.

• 3 janar 2010

  Veriu - sfidë edhe gjatë 2010-ës

  Veriu i Kosovës vazhdon ta sfidojë vendosjen e sundimit të rendit dhe ligjit, thonë përfaqësuesit politik në Kosovë. Përderisa Ministria e Brendshme shpreh besimin se disa hapa të ndërmarrë në vitin 2009 dhe ata që do të pasojnë gjatë këtij viti, do ta kthejnë normalitetin në veri, opozita i vlerëson të dështuara përpjekjet e deritashme në këtë pjesë të Kosovës.

• 31 dhjetor 2009

  Zgjedhje apo rifreskim i Qeverisë

  Partitë në koalicionin aktual qeverisës, si prioritete të punës në vitin 2010 shohin sundimin e rendit dhe ligjit, zhvillimin ekonomik dhe perspektivën evropiane, përderisa ato opozitare thonë se janë për ndryshime, duke preferuar organizimin e zgjedhjeve të parakohshme parlamentare gjatë 2010-ës.

• 30 dhjetor 2009

  Freskime në Qeveri

  Në Qeverinë e Kosovës do të ketë freskime, ka thënë kryeministri Hashim Thaçi. Ai nuk e ka parë si opsion organizimin e zgjedhjeve të parakohshme, përderisa kryekuvendari Jakup Krasniqi ka thënë se ato mund të organizohen vetëm nëse paraqesin interes për Kosovën.

• 29 dhjetor 2009

  Kuvendi miraton buxhetin pa opozitën

  Me 66 vota për, 4 kundër dhe 1 abstenim, Kuvendi i Kosovës ka miratuar buxhetin e vitit 2010, i cili arrin vlerën në 1 miliard e 461 milionë euro. Gjatë miratimit të buxhetit, tri partitë opozitare kanë lëshuar seancën.

• 28 dhjetor 2009

  Vit përplot vështirësi

  Udhëheqësit kosovarë paraqesin pikëpamje të ndryshme në lidhje me zhvillimet e vitit 2009. Ndërsa presidenti Fatmir Sejdiu tha se 2009-a ishte përplot sfida e suksese, kryetari i Aleancës për Ardhmërinë e Kosovës, Ramush Haradinaj, vlerësoi se ky vit ishte përplot me dështime.

• 27 dhjetor 2009

  Shqetësime për sigurinë

  Qeveria e Kosovës dhe misioni i EULEX-it janë kritikuar nga opozita dhe përfaqësues të shoqërisë civile për mosfunksionimin e mekanizmave shtetërorë të sigurisë. Shqetësimet për nivelin jo të kënaqshëm në fushën e sundimit të rendit dhe ligjit janë paraqitur përmes konferencave përmbledhëse, ku kryesisht janë trajtuar zhvillimet në fushën e sigurisë gjatë vitit 2009.

• 25 dhjetor 2009

  Shpresa e humbur në Janjevë

  Festa e Krishtlindjeve u festua edhe nga komuniteti kroat në Kosovë, i cili jeton në Janjevë. Banorët thonë se ky komunitet po jeton në kushte shumë të rënda ekonomike, të cilat po i detyrojnë ata të largohen nga Kosova.

• 24 dhjetor 2009

  Kuvendi: Vit pjesërisht i suksesshëm

  Kryetari i Kuvendit të Kosovës, Jakup Krasniqi, tha të enjten se viti 2009 për legjislativin e Kosovës ka qenë i suksesshëm, me gjithë ngecjet e evidentuara. Ndërkaq, vlerësime më kritike për punën e Kuvendit prezantuan deputetë opozitarë.

• 23 dhjetor 2009

  LDK - 20 vjet pas

  “Për 20 vjet, Lidhja Demokratike e Kosovës është identifikuar si parti prijëse në procesin e lirisë dhe pavarësimit të Kosovës”, tha të mërkurën presidenti Fatmir Sejdiu, gjatë shënimit të 20-vjetorit të themelimit të LDK-së. Manifestimet kanë filluar me një homazh te varri i presidentit të ndjerë dhe themeluesit të LDK-së, Ibrahim Rugova.

• 22 dhjetor 2009

  Lobimi për Kosovën

  Arabia Saudite do të lobojë te vendet arabe e islamike për njohjen e Kosovës së pavarur, ka thënë në Prishtinë, ambasadori saudit në Tiranë, Abdullah Abdulaziz Al – Abdulkarim. Ai ia ka dorëzuar letrat kredenciale presidentit Fatmir Sejdiu, duke u shndërruar kështu në ambasadorin saudit edhe për Republikën e Kosovës.

• 21 dhjetor 2009

  Sllovenia mbështet liberalizimin e vizave edhe për Kosovën

  “Liria e lëvizjes është një prej parimeve dhe të drejtave themelore të njeriut. Kështu që, heqja e vizave nënkupton mundësinë e zbatimit të kësaj të drejte”, deklaroi, gjatë vizitës së tij në Prishtinë, presidenti i Sllovenisë, Danilo Turk.

• 20 dhjetor 2009

  Berisha\Bukoshi: PDK – LDK, koalicion i paqëndrueshëm

  Gara e ashpër elektorale për pushtetin lokal mes PDK-së e LDK-së po zgjerohet dhe në nivelin qendror. Deputeti i PDK-së, Zafir Berisha, dhe ai i LDK-së, Bujar Bukoshi, shprehen pro shpalljes së zgjedhjeve të parakohshme dhe prishjes së këtij koalicioni.

• 18 dhjetor 2009

  Formësimi i decentralizimit

  Formimi i komunave të reja dhe decentralizimi kanë marrë kuptim më përmbajtjesor pas daljes së serbëve në zgjedhjet lokale, kanë thënë zyrtarët kosovarë, gjatë një debati që është mbajtur në qendrën mediale në Çagllavicë.

• 17 dhjetor 2009

  Numërimi nuk fillon në komunat me ankesa

  Presidenti Fatmir Sejdiu dhe ambasadori amerikan në Prishtinë, Kristofer Dell, kanë vizituar Qendrën e Numërimit dhe Rezultateve, me ç’rast i kanë dhënë mbështetje Komisionit Qendror të Zgjedhjeve në procedimin e mëtejmë të numërimit të votave dhe shpalljes së rezultateve. Sipas KQZ-së dhe QNR-së numërimi i votave me kusht, për komunat ku kishte parregullsi, duhet të presë vendimet e KZAP-it.

• 16 dhjetor 2009

  Rifreskim i Qeverisë apo zgjedhje?

  Analistët në Prishtinë vlerësojnë se zgjedhjet lokale do të kenë efekte në koalicionin aktual qeverisës ndërmjet PDK-së dhe LDK-së. Rikonfigurimi i këtij koalicioni, apo edhe shpallja e zgjedhjeve të parakohshme parlamentare, sipas analistëve, janë opsione krejtësisht të pritshme, pas zhvillimeve që përcollën fushatën, zgjedhjet dhe sidomos sjelljet e dy partive më të mëdha.

• 15 dhjetor 2009

  KFOR-i në 10 mijë trupa

  Nga janari i vitit të ardhshëm në Kosovë do të mbeten 10 mijë trupa të KFOR-it dhe do të mbyllen disa baza ushtarake, tha në Prishtinë, komandanti i forcave të përbashkëta të NATO-s në Napoli, admirali amerikan Mark Ficxherald. Ai e vlerësoi të qetë dhe stabile gjendjen e sigurisë në Kosovë.

Shfaq më shumë