Trump: Do të vazhdojmë me “forcë të plotë” në Iran derisa t'i arrijmë objektivat

Presidenti rus, Vladimir Putin ka shprehur ngushëllime për vdekjen e liderit suprem të Iranit, Ajatollah Ali Khameneit, sipas agjencisë shtetërore të lajmeve në Rusi, TASS.

Ai e ka përshkruar vdekjen e Khameneit si “vrasje cinike që i ka shkelur të gjitha normat e moralit njerëzor dhe ligjit ndërkombëtar”.

Rusia është aleate e Iranit. Vitin e kaluar, dy shtetet janë pajtuar për të përforcuar bashkëpunimin ushtarak dhe kanë nënshkruar traktat 20-vjeçar “të partneritetit strategjik”.

Ajatollah Ali Khamenei e drejtoi Iranin për dekada. Mbështetësit e tij e shihnin si një udhëheqës të devotshëm dhe të mençur, kritikët e tij si një autoritar të pakompromis që e zhyti Republikën Islamike drejt izolimit të thellë ndërkombëtar. Vitet e tij të fundit si udhëheqës suprem u njollosën nga protesta masive dhe nga një shtypje brutale që la mijëra demonstrues të vdekur.

Bashkëngjite Shpërndaje

Ali Khamenei, udhëheqësi autoritar suprem i Iranit, vritet në moshën 86-vjeçare

nga Radio Evropa e Lirë

Bashkëngjite Shpërndaje

Kodi u kopjua.

---

gjerësia px lartësia px

---

Adresa u kopjua

Materiali aktualisht nuk është në dispozicion.

0:00 0:05:28 0:00

Garda Revolucionare e Iranit e ka emëruar Ahmad Vahidin në pozitën e komandantit të përgjithshëm.

Komandanti paraprak, gjenerali Mohammad Pakpour, është vrarë në sulmet e përbashkëta të Shteteve të Bashkuara dhe Izraelit të nisura të shtunën.

Garda Revolucionare është forcë e madhe ushtarake, politike dhe ekonomike në Iran, dhe është e ndarë prej ushtrisë së rregullt shtetërore.