Protestuesit bllokojnë rrugën në Jarinjë

Kamionë dhe vetura kanë bllokuar për disa kilometra rrugën që çon në pikëkalimin kufitar ndërmjet Kosovës dhe Serbisë në Jarinjë. Kjo bllokadë vjen në shenjë pakënaqësie ndaj vendimit të Qeverisë së Kosovës për reciprocitet në lidhje me targat e veturave me regjistrim të Serbisë që hyjnë në Kosovë. Vendi është rrethuar me forca të shtuara të Policisë së Kosovës.