Ndërlidhjet

Fitore bindëse e Vetëvendosjes

Kosova mbajti më 14 shkurt zgjedhjet e parakohshme parlamentare.


Mbështetës të Lëvizjes Vetëvendosje duke festuar në Prishtinë.

Përmbledhja

  • Për zgjedhjet e 14 shkurtit, të drejtë vote kanë pasur 1,794,862 persona.
  • Qytetarët kanë mundur të votojnë në 888 qendra të votimit, me 2,382 vendvotime, nga ora 07:00 deri në 19:00.
  • Pjesë e garës në këto zgjedhje kanë qenë 28 subjekte politike me mbi 1,000 kandidatë për deputetë, të cilët kanë garuar për 120 ulëset e Kuvendit të Kosovës.
  • Këto zgjedhje janë rezultat i vendimit të Gjykatës Kushtetuese, e cila më 21 dhjetor, 2020, e ka rrëzuar Qeverinë e Avdullah Hotit, të zgjedhur më 3 qershor.
  • Gjykata ka thënë se kjo qeveri ishte kundërkushtetuese, pasi vota e deputetit Etem Arifi, i dënuar me burgim prej një viti e tre muajsh, ishte përcaktuese për qeverinë.
  • Vendimi i Kushtetueses ka përcaktuar po ashtu se personat e dënuar me aktgjykim të formës së prerë në një periudhë trevjeçare, të mos mund të garojnë në zgjedhje. Ky vendim ka prekur kryetarin e Lëvizjes Vetëvendosje, Albin Kurti, dhe disa kandidatë të tjerë për deputetë edhe nga parti të tjera.
  • Komisioni Qendror i Zgjedhjeve (KQZ) ka pranuar 43,477 pako me fletëvotime, që janë dërguar me postë nga qytetarët e Kosovës, të cilët jetojnë jashtë vendit.
  • Këtë proces zgjedhor e kanë përcjellë nga afër rreth 30 mijë vëzhgues të akredituar.
01:52 15.2.2021

Lexues të dashur, këtu e mbyllim mbulimin e drejtpërdrejtë të zgjedhjeve parlamentare të 14 shkurtit në Kosovë. Faleminderit që na ndoqët!

01:17 15.2.2021

Kurti e Osmani premtojnë drejtësi dhe jo hakmarrje

Kandidati për kryeministër i Lëvizjes Vetëvendosje, Albin Kurti, dhe kandidatja për presidente nga lista e kësaj partie, Vjosa Osmani, premtuam një qeveri që do të fokusohet në drejtësi dhe në krijimin e vendeve të punës.

Kurti e Osmani premtojnë drejtësi dhe jo hakmarrje
Ju lutem të prisni

No media source currently available

0:00 0:01:32 0:00

00:42 15.2.2021

Numërohen gati 90 për qind e votave

Me gati 90 për qind të votave të numëruara nga zgjedhjet e 14 shkurtit në Kosovë, Lëvizja Vetëvendosje ka fituar 47.7 për qind, tregojnë të dhënat e Komisionit Qendror të Zgjedhjeve.

Sipas tyre, Partia Demokratike e Kosovës ndodhet e dyta me 17.29 për qind dhe Lidhja Demokratike e Kosovës e treta me 13.39 për qind.

Për më shumë të dhëna, klikoni në ueb-faqen e KQZ-së.

00:06 15.2.2021

Kurti: Referendumi për drejtësi u fitua

Kryetari i Lëvizjes Vetëvendosje, Albin Kurti, shpalli fitoren e partisë së tij në zgjedhjet parlamentare të 14 shkurtit në Kosovë.

“Ky referendum për drejtësi dhe punë, e kundër kapjes së shtetit dhe korrupsionit u fitua. Është diçka e pashembullt në Kosovën e pasluftës”, tha Kurti në një konferencë për media nga selia e partisë së tij në Prishtinë.

“Nga nesër fillon një ditë e re. Na presin shumë punë dhe angazhime, sepse vendi është në kriza të shumëfishta”, tha ai.

“Secili prej nesh duhet ta marrë përgjegjësinë që i takon, për ta bërë vendin tonë një vend të jetueshëm për të gjithë, ashtu siç është i dashur për të gjithë”, tha po ashtu Kurti, duke u zotuar se Vetëvendosje do të udhëheqë “pa inate dhe pa revanshizëm”.

Vjosa Osmani, kandidate e listës së Vetëvendosjes për presidente, tha se me fitoren e kësaj partie “Kosova do të ndryshojë”.

“Institucionet e reja do të drejtohen nga drejtësia”, tha ajo.

Në bazë të rezultateve preliminare të Komisionit Qendror të Zgjedhjeve, Vetëvendosje ka fituar zgjedhjet parlamentare të 14 shkurtit me rreth 48 për qind të votave.

Trego më shumë

XS
SM
MD
LG