Ndërlidhjet

Nga kjo javë mësim online edhe për parashkollorët


Fotografi nga arkivi.

Burim Mehmeti, babai i një vajze 5-vjeçare, thotë se vajza e tij ka mbetur jashtë programit për mësim në distancë, që kur u mbyllën institucionet shkollore në mes të muajit mars. Ajo ishte duke ndjekur programin parashkollor para mbylljes së shkollave.

Por, fatin e saj nuk e kanë pasur nxënësit e tjerë.

Ministria e Arsimit, Shkencës, Teknologjisë dhe Inovacionit vendosi që përmes kanalit televiziv publik RTK, të transmetojë mësime për nxënësit e ciklit të ulët dhe të lartë fillor, nga klasa e parë në të nëntën

"Ajo ka mësuar një pjesë të shkronjave, por tash e një muaj ka mbetur as andej as këndej. Ka mbetur jashtë sistemit arsimor. Megjithëkëtë edhe mësimi në distancë për këtë moshë besoj do të jetë i vështirë, se di sa do ta kuptojnë. Shpresoj që do të kompensohet pjesa e humbur, pas pandemisë", thotë Mehmeti.

Si i prek koronavirusi fëmijët?
Ju lutem të prisni

No media source currently available

0:00 0:07:58 0:00

Institucionet shkollore në Kosovë janë mbyllur nga data 12 mars, pas masave që kishte marrë Qeveria e Kosovës për parandalimin e përhapjes së COVID-19, sëmundjes që shkaktohet nga koronavirusi.

Labërie Luzha, udhëheqëse e divizionit për arsim të hershëm dhe parashkollor në Ministrinë e Arsimit, Shkencës, Teknologjisë dhe Inovacionit, duke folur për Radion Evropa e Lirë, tha se prej ditës së mërkurë pritet të nisë mësimi në distancë edhe për parashkollorët.

"Ne kemi lansuar përmbajtjen e platformës, në televizonin publik, RTK e që është video promovuese, mësimi në distancë. Këtu përfshihen fëmijët e moshës 0 deri 6 vjet, ku 4 deri në 6 që janë klasa parafillore", tha ajo.

“UNICEF” dhe “Safe the Children” përkrahin mësimin në distancë

Organizata e Kombeve të Bashkuara për fëmijë UNICEF është duke përkrahur mësimin në distancë në Kosovë për grupmoshat 0 deri në 6 vjeç.

Murat Sahin, shef i zyrës së UNICEF-it në Kosovë, tha se gjashtë vjetët e para të jetës së një fëmije është periudha më kritike për ndërtimin e një baze të fortë për zhvillimin e ardhshëm të fëmijës dhe një periudhe të artë për të investuar në fëmijët e vegjël dhe familjet e tyre.

Ai shtoi se kjo platformë që tashmë e kanë ndihmuar për t’u jetësuar, do të përmbajë aktivitete ditore dhe javore të cilat sigurisht që do të ndihmojnë prindërit të angazhojnë fëmijët e tyre në aktivitete që mbështesin zhvillimin e tyre optimale.

"Ministria e Arsimit do të nisë një video informuese për të informuar dhe udhëzuar prindërit dhe kujdestarët për përmbajtjen dhe përdorimin e platformës UNICEF dhe ‘Save the Children’ do të vazhdojë të punojë me partnerë për të mbështetur dhe ndihmuar fëmijët dhe familjet në kohën e pandemisë", tha Sahin.

Parashkollorët të merren me lojëra, jo me lajme rreth virusit

Visar Sadiku, psikolog i fëmijëve, duke folur për Radion Evropa e Lirë, tha se mësimi në distancë për grup moshat 0 deri në 6 vjeç, ka një rol të rëndësishëm, pasi që krijohet një rutinë në të cilën fëmija duhet realizuar detyrat e përcaktuara me qëllim që në të ardhmen kjo shprehi të stimulohet më tutje, duke u përforcuar në shprehi pune.

"Të mësuarit të bëhet në mënyrë sa më kreative, i hapur dhe jo të sfidojë shkathtësitë e tyre aktuale. Koha të jetë e limituar dhe më tepër, dhe nga vetë fjala edukim parafillor, nuk nënkuptohet edukim fillor formal, pra më tepër të jetë me karakter rekreativ sesa të jetë formë e edukimit fillor konkret, ku nënkuptohet se mund të përdoren këngët, vizatimet, lojërat e ndryshme për të mësuar alfabetin, numrat apo të dhëna të tjera me rëndësi", tha Sadiku.

Shpjegimi i koronavirusit për fëmijët
Ju lutem të prisni

No media source currently available

0:00 0:01:42 0:00

Sadiku shtoi se është me rëndësi për fëmijët mësimi në distancë, pasi që është një shfrytëzim më cilësor i kohës, ku me këtë rast fëmijët mund të kalojnë kohë duke mos u përballur me të dhënat të cilat vazhdimisht transmetohen nga familjarët apo mediat rreth koronavirusit të ri.

  • 16x9 Image

    Ariana Kasapolli - Selani

    Ariana Kasapolli - Selani ka lindur më 15.04.1980 në Prishtinë. Shkollimin fillor, të mesëm dhe universitar e ka ndjekur në Prishtinë, ku edhe ka diplomuar në Fakultetin e Gazetarisë. Si korrespondente e Radios Evropa e Lirë punon që nga viti 2009. Është e martuar dhe ka tre fëmijë.

XS
SM
MD
LG