Shefi i OBSH-së: Të rinjtë nuk janë të pathyeshëm
Kryetari i Organizatës Botërore të Shëndetësisë e ka bërë një paralajmërim të qartë për të rinjtë rreth koronavirusit.
“Një prej gjërave që jemi duke mësuar që është njerëzit e moshuar goditen më së keqi, të rinjtë nuk kursehen”, ka thënë mjeku, Tedros Adhanom Ghebreyesus në Gjenevë.
“Të dhënat nga shumë shtete kanë treguar qartë se njerëzit nën moshën 50-vjeçare përbëjnë një shifër të konsiderueshme të pacientëve që kërkojnë hospitalizim”.
“Sot, unë kam një mesazh për të rinjtë: ju nuk jeni të pathyeshëm, virusi mund t’ju dërgojë në spital për javë ose edhe mund t’ju vrasë”.
Ai ka shtuar: Edhe nëse nuk sëmureni, zgjedhja që bëni se ku të shkoni, mund të bëjë dallimin në mes të jetës dhe vdekjes për dikë tjetër”.
Mirëmëngjesi,
Ju sjellim një përmbledhje të informacioneve të para të datës 21 mars në lidhje me përhapjen e koronavirusit.
Timori Lindor është vendi i fundit që ka raportuar rastin e parë me koronavirus. Ministria e Shëndetësisë tha se pacienti paraqiste pak rrezik për të tjerët, pasi ai menjëherë u këshillua me mjekët kur iu shfaqen simptomat e koronavirusit.
Ndërkohë, sipas të dhënave të Universitetit John Hopkins, në gjithë botën, që nga paraqitja e parë e të infektuarve në dhjetor të vitit 2019, janë 275,434 raste të konfirmuara, të shëruar janë raportuar 88,256 raste, ndërkaq nga sëmundja Covic-2 që e shkakton virusi Sars-Cov-19 kanë vdekur 11,399 persona.
Në Kosovë numri i të infektuarve që janë konfirmuar nga autoritetet shëndetësore, ka arritur në 24 persona.
Raka: Dy javët vendimtare për Kosovën
Lul Raka, mikrobiolog, njëherësh koordinator i bashkëpunimit me Qendrën Evropiane për Kontrollin dhe Parandalimin e Sëmundjeve, ka thënë se Kosova po futet në dy javët vendimtare sa i përket përhapjes së koronavirusit të ri.
“Po futemi në dy javët vendimtare për jetërat e më të dashurve tanë! Pasi që nuk kemi as vaksinë e as ilaç kundër koronavirusit, arma e vetme na mbetet diciplina dhe kujdesi!”, ka shkruar Raka në rrjetin social Twitter.
Aktualisht në Kosovë është raportuar për 24 persona të infektuar me koronavirusin e ri.
Autoritetet kanë shpallur gjendje emergjente të shëndetit publik, si dhe kanë marrë disa masa për të parandaluar përhapjen e virusit.
Ndëkohë, sipas të dhënave të Universitetit John Hopkins, në gjithë botën, që nga paraqitja e parë e të infektuarve në dhjetor të vitit 2019, janë 275,434 raste të konfirmuara, të shëruar janë raportuar 88,256 raste, ndërkaq nga sëmundja Covic-2 që e shkakton virusi Sars-Cov-19 kanë vdekur 11,399 persona.
Çdo i pesti amerikan është urdhëruar të qëndrojë në shtëpi
Një numër i shteteve amerikane kanë urdhëruar që banorët të qëndrojnë në shtëpi, si masë për parandalimin e koronavirusit.
Llogaritet se çdo i pesti amerikan është i obliguar të zbatojë këtë urdhër.
Shteti i Nju Jork-ut ka urdhëruar mbylljen e bizneseve jo thelbësore.
Virusi ka vrarë gati 230 persona në SHBA dhe ka infektuar më shumë se 18.500 të tjerë.
