Sulmet me armë nëpër shkollat e Evropës ndër vite

21 dhjetor 2023

Një autoambulancë duke shkuar drejt vendit ku ndodhi sulmi i 21 dhjetorit, në Pragë.

AFP

Sulmet me të shtëna masive, sikurse ai në një universitet në qendër të Pragës, duke vrarë 13 persona të enjten, janë shumë më të rralla në Evropë, në krahasim me Shtetet e Bashkuara.

Më poshtë janë disa prej sulmeve më të rënda në kontinent, nëpër ambiente të shkollave, që nuk janë të lidhura me terrorizëm.

Një student i armatosur vret së paku 15 persona në Çeki

SHIKONI EDHE:

Trembëdhjetë persona të vrarë si pasojë e sulmit në një universitet në Pragë

Sulmet janë të 25 vjetëve të fundit.

Në Serbi më 2023

Më 3 maj, një 13-vjeçar ka vrarë tetë nxënës dhe një roje sigurimi në një shkollë fillore në Beograd.

Gjashtë fëmijë dhe një mësuese janë plagosur si pasojë e sulmit.

Sulmuesi e ka kontaktuar më pas policinë, dhe është arrestuar.

Lule e mesazhe për viktimat e sulmit në shkollën e Beogradit

1/20 Trajneri i volejbollit, Dragan Kobiljski, vajza e të cilit u vra nga të shtënat në shkollën "Vladislav Ribnikar" në Beograd, më 3 maj. Edhe shtatë nxënës të tjerë dhe një rojë u vranë nga të shtënat.

2/20 Lule, qirinj, por edhe mesazhi “Flisni me fëmijët”, përballë shkollës fillore “Vladislav Ribnikar” – vendi i të shtënave masive, ku një 13-vjeçar vrau tetë nxënës dhe një roje sigurie në maj. 3. Ai ka plagosur gjashtë nxënës dhe një mësues.

3/20 Qytetarë e nxënës duke nderuar viktimat e sulmit vdekjeprurës në shkollë.

4/20 “Përgjithmonë në zemrat tona”, është mesazhi i shkruar në një top të vendosur bashkë me lulet e lodrat para shkollës.

5/20 “Faleminderit Draganit tonë që ka qenë gjithmonë pranë nesh”, ishte mesazhi për rojën e sigurisë, e cila ishte viktima e parë e sulmit të 13-vjeçarit.

6/20 Lulet e vendosura para shkollës ku ndodhi sulmi.

7/20 Qirinj e lule para shkollës ku ndodhi sulmi vdekjeprurës i 3 majit.

8/20 Nxënësit e Beogradit, të cilët u mblodhën në masë të madhe para shkollës, lanë mesazhe për bashkëmoshatarët e tyre.

9/20 Qytetarët sjellin zambakë të bardhë, dhe një buqetë ka të shkruar një varg nga kënga "Përrallë e përgjakur".

10/20 Një pjesë e punëtorëve të arsimit dhe sindikatat e punëtorëve të arsimit të Serbisë, të premten, më 5 maj, kanë pezulluar punën. Punonjësit u tha se do të jenë në shkolla dhe institucione të tjera arsimore, por nuk do të mbajnë mësim.

11/20 Mesazhi i lënë për rojën e shkollës të vrarë në sulmin e 3 majit.

12/20 Në sulmin e 3 majit në shkollë, u plagosën edhe gjashtë nxënës dhe një mësuese, kurse sulmuesi u arrestua.

13/20 Lule, qirinj dhe lodra për nxënësit që u vranë në sulmin që ndodhi të mërkurën në shkollën “Vladislav Ribnikar” në Beograd.

14/20 Sulmi ndodhi pasi nxënësit u kthyen në shkollë pas festave të 1 Majit.

15/20 Në sulm janë përdorur dy pistoleta - një pistoletë e kalibrit nëntë milimetër me tre fishekë dhe një pistoletë e kalibrit të vogël.

16/20 Motivi nuk dihet aktualisht, por përfaqësuesit e policisë kanë bërë të ditur se krimi ishte planifikuar për një muaj.

17/20 I dyshuari kishte një listë të nxënësve që kishte planifikuar t'i vriste dhe një hartë të vizatuar të shkollës.

18/20 Disa media raportuan se studenti i dyshuar ishte viktimë e dhunës së bashkëmoshatarëve.

19/20 Studenti i kishte futur armët në çantën e shpinës. Shkolla ka një sistem vëzhgimi me video, por nuk ka detektorë metalikë.

20/20 Ministria e Punëve të Brendshme e Serbisë njoftoi një aksion kontrolli të të gjithë pronarëve të armëve.

Në Rusi dhe Ukrainë më 2018 dhe 2021

Një sulmues 18-vjeçar ka vrarë 20 persona, përfshirë nëntë nxënës në kolegjin ku ka qenë student në Krime, gadishullin ukrainas, të cilin Rusia e ka aneksuar më 2014.

Në sulm janë plagosur edhe disa persona tjerë, dhe në fund sulmuesi e ka vrarë veten.

Më vonë, më 11 maj 2021, një sulmues me armë dhe pajisje shpërthyese, Ilnaz Galyaviev, i ka vrarë nëntë njerëz, përfshirë shtatë fëmijë, në qytetin Kazan të Rusisë.

Më 2013, ai është dënuar me burgim të përjetshëm.

Më 20 shtator 2021, një nxënës i veshur me rroba speciale dhe me helmetë në kokë, i armatosur me pushkë gjuetie, ka hyrë në Universitetin Perm, i ka vrarë gjashtë persona, kryesisht gra, dhe i ka plagosur dhjetëra të tjerë.

Sulmuesi është qëlluar nga zyrtarë policorë duke e lënë të vdekur.

Në Gjermani më 2002 dhe 2009

Një 19-vjeçar, ish-student, duket se është hakmarrë pse është dëbuar prej shkollës dhe ka vrarë 16 persona, përfshirë 12 mësues dhe dy studentë në një shkollë në Erfurt, më 26 prill 2002.

Më vonë ai e ka vrarë edhe veten.

Më 11 mars 2009, nëntë nxënës, tre mësues dhe tre kalimtarë rasti, janë vrarë si pasojë e sulmit me armë zjarri në Vinenden në jug të Gjermanisë, nga një ish-nxënës, që më pas e ka vrarë veten.

Më 2007 dhe 2008 në Finlandë

Më 7 nëntor 2007, një 18-vjeçar ka nisur sulm me armë zjarri në një shkollë në jug të Finlandës, duke vrarë pesë djem, dy vajza dhe drejtoreshën e shkollës, para se t’ia drejtonte armën vetes.

Më 23 shtator 2008, njëmbëdhjetë njerëz, përfshirë sulmuesin, kanë vdekur në masakër, në një shkollë trajnimi në Kauhajoki të Finlandës.