Nadije Ahmeti është gazetare e Radios Evropa e Lirë në Prishtinë.
Kosova ende përballet me efektet e krizës globale financiare, thonë njohës të çështjeve ekonomike. Sipas tyre, në këtë kuadër po ndikon edhe rënia e remitencave nga diaspora dhe zvogëlimi i investimeve të huaj. Megjithatë, ekspertët japin mendime të ndryshme se a do t’i kalojë Kosova efektet e krizës gjatë këtij viti.
Kuvendi i Republikës së Kosovës, gjatë seancës së sotme, nuk ka miratuar strategjinë e energjisë për periudhën 2009-2018. Pas vërejtjeve të partive opozitare dhe të disa deputetëve, Kuvendi ka marrë vendim që kjo strategji të plotësohet dhe të miratohet në seancën e radhës.
Raporti vjetor i Departamentit Amerikan të Shtetit, që flet për gjendjen e të drejtave të njeriut në Kosovë, ndalet edhe te gjendja e grave dhe fëmijëve. Në këto fusha, sipas raportit, vlerësohet ekzistenca e legjislacionit, por vërehen mangësi në zbatimin efikas të tij. Kjo çështje është ngritur disa herë edhe nga përfaqësuese të organizatave joqeveritare që merren me mbrojtjen e të drejtave të grave.
Në fshatin Rubovc, rreth pesë kilometra nga qyteti i Lipjanit, në një shkollë, nën një kulm, me një mur të ndarë, mësojnë nxënësit shqiptarë dhe ata të komunitetit serb. Njëra pjesë e shkollës quhet “Drita”, ndërsa tjetra “Braqa Aksiq”.
Qeveria e Kosovës ka nënshkruar me Bankën Botërore dy marrëveshje në vlerë prej 20 milionë dollarësh. Nga kjo shumë do të financohen dy projekte: modernizimi i sektorit publik dhe regjistrimi i pasurive të patundshme e kadastër. Përfaqësuesi i Bankës Botërore për Kosovë, Ranjit Nayak, me këtë rast ka paralajmëruar se Banka Botërore, së bashku me partnerët tjerë zhvillimorë, në kuadër të strategjisë së përkohshme për Kosovë, do të ofrojë deri në 200 milionë dollarë.
Ofertat e investitorëve të huaj për ndërtimin e termocentralit “Kosova e re” nuk janë të përshtatshme dhe atraktive për realizimin e këtij projekti, thonë ekspertë për çështje të energjisë si dhe përfaqësues të Komisionit Parlamentar për Energjetikë.
Me rastin e 7 Marsit, që njihet si Dita e Mësuesit, mësimdhënësit kosovarë thonë se po përballen me kushte të vështira, pasi pagat që i marrin nga buxheti i Kosovës, janë të pamjaftueshme.
Vetëm gjatë vitit të kaluar, në Kosovë janë shuar mbi 1,100 biznese, pohojnë zyrtarë qeveritarë. Sipas tyre, arsyet janë të shumta, duke filluar nga mungesa e mjeteve financiare e deri te mungesa e energjisë elektrike. Në këtë kuadër, njohës të çështjeve ekonomike thonë se ky falimentim i bizneseve duhet të jetë sinjal alarmues për institucionet qeveritare.
Pensionistët e Kosovës, gati që një dekadë, jetojnë në kushte të vështira. Me qëllim të përmirësimit të kushteve të tyre, pensionistët tashmë kanë formuar dy parti politike. Partia e Pensionistëve të Kosovës është themeluar në fillim të këtij viti, kurse dje është promovuar Partia e Pensionistëve dhe Invalidëve.
Komuniteti serb në Kosovë ende nuk është i përfshirë në sistemin e arsimit kosovar. Udhëheqës të Ministrisë së Arsimit, Shkencës dhe Teknologjisë pohojnë se i kanë intensifikuar përpjekjet për integrim të këtij komuniteti nën ombrellën e kësaj ministrie. Ekspertë të arsimit thonë se ky është problem politik, i dirigjuar nga Beogradi zyrtar.
Institucionet kompetente ende nuk kanë arritur që të përgatisin Strategjinë dhe Planin zhvillimor të Kosovës, që parasheh përmirësimin afatgjatë të ekonomisë së Kosovës. Njohës të çështjeve ekonomike thonë se mungesa e këtij dokumenti, po ndikon edhe në zvarritjen zhvillimit të përgjithshëm ekonomik.
Në Kosovë ka filluar absorbimi i mjeteve të fituara në konferencën e donatorëve. Zyrtarë qeveritarë pohojnë se një pjesë e donacioneve tashmë është investuar në sektorë të ndryshëm publikë në Kosovë. Por, njohës të çështjeve ekonomike janë skeptikë në menaxhimin e duhur të këtyre mjeteve.
Gjendja sociale në Kosovë nuk ka ndryshuar edhe pas shpalljes së pavarësisë, thonë përfaqësues të disa sindikatave. Por, zyrtarë qeveritarë, duke mos mohuar se situata sociale është e rëndë, thonë se gjatë kësaj periudhe ka përmirësime në këtë fushë.
Përfaqësues të Bashkimit të Sindikatave të Pavarura të Kosovës kërkojnë nga Agjencia Kosovare e Privatizimit që deri në muajin tjetër të fillojë shpërndarjen e 20 përqindëshit të punëtorëve, në të kundërtën, sipas tyre, do të pasojnë protestat. Në anën tjetër, zyrtarë të Agjencisë Kosovare të Privatizimit shpresojnë se deri në muajin mars, një kërkesë e tillë do të realizohet.
Investimet e huaja në Kosovë shënuan rënie gjatë 2009-s, krahasuar me një vit më parë. Sipas autoriteteve, kjo është pasojë e krizës ekonomike globale, por ekspertë të ekonomisë e vlerësojnë të papërshtatshme klimën për investime.
Dy vjet pas shpalljes së pavarësisë së Kosovës, gjendja socio-ekonomike në vend nuk ka ndryshuar shumë, vlerësojnë njohës të çështjeve ekonomike. Në anën tjetër, zyrtarë të Qeverisë së Republikës së Kosovës, përveç problemeve, thonë se Kosova ka shënuar edhe rezultate të dukshme.
Autoritetet kosovare, në bashkëpunim me zyrën e Komisionit Evropian në Kosovë, janë duke bërë përgatitjet e duhura për privatizimin e kompleksit turistik “Brezovica”, thonë zyrtarë në Agjencinë Kosovare të Privatizimit. Në anën tjetër, ekspertët e ekonomisë dhe të turizmit, thonë se privatizimi i kësaj qendre, do të gjallëron turizmin në Kosovë.
Punëtorët shëndetësorë nuk besojnë shumë se në muajin mars, pagat e tyre do t’i marrin me 30 për qind rritje, thonë përfaqësues të Sindikatës së Qendrës Klinike Universitare të Kosovës. Ky mosbesim, sipas tyre, është pasojë e vendimit të djeshëm, kur Qeveria hoqi nga rendi i ditës propozim- vendimin për rritje pagash.
Që nga java e kaluar shërbyesit civil dhe punonjësit e disa institucioneve publike në Kosovë, po kërkojnë rritjen pagave të tyre. Por, cilat janë mundësitë buxhetore për realizimin e kërkesave të tyre? Anëtarë të Komisionit për Buxhet dhe Financa në Kuvendin e Kosovës dhe ekspertë të ekonomisë, thonë se një menaxhim dhe shpërndarje më e mirë e buxhetit, mundëson rritje të pagave.
Qendra Kosovare për Rehabilitimin e të Mbijetuarve të Torturës, në një konferencë për media, ka publikuar raportin vjetor për vitin 2009, të titulluar “Standardet e të drejtave të njeriut në qendrat korrektuese, qendrat e paraburgimit dhe dhomat e policisë për ndalime në Kosovë”. Ky raport është mbështetur edhe nga Zyra Ndërlidhëse e Komisionit Evropian në Kosovë.
Shfaq më shumë
