Prishtina dhe Podgorica do të ngrenë nivelin e marrëdhënieve diplomatike gjatë javëve të ardhshme, tha zëdhënësi i Qeverisë, Memli Krasniqi. Mali i Zi ka njohur Kosovën në tetor të vitit të kaluar, por ka ngecje në vendosjen e raporteve diplomatike.
Udhëheqësit kosovarë e vlerësojnë pozitivisht raportin e fundit të Fridom Haus në lidhje me përparimet në Kosovë. Presidenti Fatmir Sejdiu deklaroi se zhvillimet në Kosovë dhe rreth saj, dëshmojnë se së shpejti do të ketë edhe njohje të reja.
Institucionet e Kosovës kanë reaguar ndaj deklaratave të presidentit serb, Boris Tadiq, sipas të cilit, nuk ka kushte që serbët të marrin pjesë në zgjedhjet lokale. Ata thonë se në Kosovë ekzistojnë rrethana normale për zgjedhje të lira e demokratike.
Serbët e veriut kanë vendosur që t’i suspendojnë përkohësisht bllokimet e rrugëve që shpien kah dy pikat kufitare mes Kosovës e Serbisë. Ata vendosën që një herë në javë të vihen bllokada 24 orëshe të këtyre rrugëve, si kundërshtim i masave të EULEX-it.
Komunitetet në Kosovë kërkojnë përmirësimin e kushteve të mësimit dhe studimit për nxënësit dhe studentët e pakicave. Të gjitha kërkesat, filluar nga përdorimi i gjuhës e deri te regjistrimet e nxënësve dhe studentëve, do t’i parashtrohen Qeverisë, përkatësisht Ministrisë së Arsimit, në formë rekomandimesh.
Partitë politike garuese për zgjedhjet komunale në Kosovë thonë se po i intensifikojnë përgatitjet e tyre që në këtë proces zgjedhor të hyjnë më të përgatitura. Secila nga to thotë se është favorite e këtyre zgjedhjeve.
Qeveria e Serbisë fton serbët e veriut që t’i ndalin protestat dhe bllokimin e rrugëve. Këto protesta pasojnë masat e EULEX-it, sipas të cilave, në dy pika kufitare me Serbinë, që nga 20 maji, regjistrohen të gjitha kalimet e njerëzve dhe mallrave.
Përfaqësuesit e institucioneve të Kosovës kërkojnë nga Interpoli që t’i ndalë arrestimet e kosovarëve mbi bazat e fletarrestimeve të lëshuara nga Serbia, siç ishte rasti me ndalimin e ish-kryeministrit Agim Çeku në Bullgari.
Projekti për Marrëdhënie Etnike nga Shtetet e Bashkuara të Amerikës ka organizuar në Prishtinë një debat me përfaqësues të Qeverisë së Kosovës dhe ata të pranisë ndërkombëtare, në lidhje me integrimin e komuniteteve.
Kuvendi i Kosovës debatoi në lidhje me incidentin në ndërtesën e policisë, ku nga dhoma e dëshmive ishin vjedhur 47 kg narkotikë dhe shuma të caktuara parash. Ministri i Brendshëm, Zenun Pajaziti, premtoi ndriçimin e rastit.
Asnjë kërkesë e Serbisë me të cilën synohet ndryshimi i kompetencave të Qeverisë së Kosovës dhe ICO-së në procesin e decentralizimit, nuk mund të pranohet, thonë zyrtarë qeveritarë kosovarë dhe ata të pranisë ndërkombëtare.
Institucionet e Kosovës shprehen të gatshme për dialog dhe ftojnë serbët që të marrin pjesë në zgjedhjet lokale, por kundërshtojnë disa kushtëzime të tyre për pjesëmarrje në zgjedhje, që bien ndesh me Kushtetutën.
Zyrtarët e AAK-së dhe ata të qeverisë, përkatësisht PDK-së, kanë shkëmbyer prapë kritika e akuza të ndërsjella. AAK thotë se qeveria po sajon skandale për të tërhequr vëmendjen nga problemet e shumta; zyrtarët e qeverisë thonë se deklaratat e AAK-së janë për keqardhje.
UNMIK-u nuk ka më asnjë funksion në Kosovë, vlerësojnë zyrtarë kosovarë. Por, sipas tyre, pozicionet e ngurta të Rusisë dhe të disa vendeve tjera ndaj pavarësisë së Kosovës, po e mbajnë në fuqi Rezolutën 1244, e me të edhe UNMIK-un.
Opozita në Prishtinë ndihet e anashkaluar me vendimin e presidentit Sejdiu që zgjedhjet lokale të mbahen më 15 nëntor. Ndërkaq, te serbët shtohen përkrahësit e daljes së këtij komuniteti në zgjedhje.
“Kosova është shtet i pavarur dhe kështu do të mbetet, dhe tani varet nga kosovarët që të ndërtojnë një shoqëri prosperuese”, tha sot në Prishtinë, Marti Ahtisari, në ditën e dytë të vizitës në Kosovë.
“Pavarësia e Kosovës është e pakthyeshme dhe kjo është bërë e qartë edhe nga njohjet ndërkombëtare”, tha, në Prishtinë, ish-kryenegociatori për statusin e Kosovës, Marti Ahtisari.
Në Kosovë, sot po shënohet njëvjetori i hyrjes në fuqi të Kushtetutës së Kosovës. Këtë ngjarje do ta shënojë laureati i çmimit Nobel për paqen, ish - i dërguari i Kombeve të Bashkuara për Kosovën, Marti Ahtisari.
Liderët kosovarë kanë shprehur falënderime për NATO-n, në 10-vjetorin e hyrjes në Kosovë. Ata vlerësuan se paralajmërimet për shkurtimin e trupave të KFOR-it, janë mesazh se gjendja në Kosovë është e qëndrueshme.
12 Qershori i vitit 1999, dita kur NATO ka hyrë në Kosovë, paraqet njërën prej datave më të rëndësishme në historinë e Kosovës, vlerësojnë zyrtarët kosovarë. Sipas tyre, ndërhyrja e NATO-s paraqet kurorëzimin e aspiratave shekullore të Kosovës për liri dhe pavarësi.
Shfaq më shumë
