Rikthehet transporti publik në Prishtinë pas më shumë se një jave mungesë

3 dhjetor 2025

Transporti publik u rikthye pasi Ministria e Financave në detyrë i ndau 2.7 milionë euro për mallra dhe shërbime për komunën e Prishtinës.

Autobusët e transportit publik e rifilluan punën të mërkurën në mëngjes në Prishtinë, më shumë se një javë pasi i kishin lënë banorët e kryeqytetit të Kosovës pa transport publik, si pasojë e një mosmarrëveshjeje mes komunës dhe Qeverisë në detyrë.

Trafiku Urban në Prishtinë njoftoi të martën vonë se do ta rifillonte punën dhe autobusët e tij u panë duke qarkulluar nëpër rrugët e kryeqytetit mëngjesin e së mërkurës.

Në njoftimin e saj, Trafiku Urban theksoi se po rifillonte shërbimet pasi kishte nisur ndarja e mjeteve nga Ministria e Financave në detyrë dhe pagesa e faturave dhe borxheve nga Komuna e Prishtinës ndaj tij dhe transportuesve privatë.

“Gjatë ditëve të fundit, ndërprerja e transportit ka qenë e pashmangshme për shkak të pamundësisë financiare të krijuar nga mospagesa e detyrimeve të Komunës ndaj ndërmarrjes”, tha ajo.

Përplasjet politike lënë Prishtinën pa transport publik

1/10 Autobusët të parkuar të hënën nëpër bazat e tyre...

2/10 ... ndërsa stacionet kryesisht bosh.

3/10 Autobusët e vetëm që janë parë në kryeqytet ishin ata të linjave që çojnë në Fushë Kosovë ose Obiliq, komuna ngjitur me Prishtinën.

4/10 Rëndom linjat e transportit publik shfrytëzohen nga studentët, nxënësit, pensionistët dhe banorë tjerë të Prishtinës. Për pensionistët, transporti është falas.

5/10 Banorët që kanë qenë duke pritur nëpër stacione, ose i kanë pritur linjat e këtyre dy komunave, ose kanë pushuar derisa kanë bërë ndonjë zgjidhje alternative.

6/10 Kryetari i Prishtinës, Përparim Rama ka marrë pjesë në protestën para objektit të Qeverisë së Kosovës më 24 nëntor, bashkë me operatorët privatë të transportit publik, duke e akuzuar ekzekutivin për “fonde të mangëta”, të cilat, sipas tij nuk kanë mjaftuar për t'i obligimet ndaj operatorëve.

7/10 Mbrapa Ramës janë parë disa persona duhet mbajtur mbishkrime “Shtatë muaj pa paga”.

Në anën tjetër, ministri në detyrë i Financave, Hekuran Murati, ka bërë të ditur një ditë më parë se Zyra e Thesarit të Shtetit qysh të premten e ka alokuar buxhetin e dhjetorit për Komunën e Prishtinës, për t’i paguar disa shërbime esenciale, siç është energjia elektrike.<br><br>“Mirëpo në fund të ditës, nga Thesari më njoftuan që përkundër alokimit, stafi i Komunës së Prishtinës kishin përfunduar orarin dhe nuk e kishin kryer asnjë pagesë, me arsyetimin se ‘i kryejmë të hënën’”, ka bërë të ditur Murati përmes një postimi në Facebook. — 8/10 Në anën tjetër, ministri në detyrë i Financave, Hekuran Murati, ka bërë të ditur një ditë më parë se Zyra e Thesarit të Shtetit qysh të premten e ka alokuar buxhetin e dhjetorit për Komunën e Prishtinës, për t’i paguar disa shërbime esenciale, siç është energjia elektrike.

“Mirëpo në fund të ditës, nga Thesari më njoftuan që përkundër alokimit, stafi i Komunës së Prishtinës kishin përfunduar orarin dhe nuk e kishin kryer asnjë pagesë, me arsyetimin se ‘i kryejmë të hënën’”, ka bërë të ditur Murati përmes një postimi në Facebook.

Kuvendi i Kosovës e pati edhe një mundësi të fundit për t’i votuar katër projektligje të rëndësishme për vendin javën e kaluar, para se ky institucion të shpërbëhej dhe të caktohej data për zgjedhje të reja.<br><br>Në mesin e katër projektligjeve, ishte edhe ai për miratimin e buxhetit për tri komuna të Kosovës: Prishtinën, Gjilanin dhe Zubin Potokun. Pavarësisht thirrjeve të Lëvizjes Vetëvendosje, parti që tani udhëheq me Qeverinë në detyrë, partitë tjera nuk patën gatishmëri për t’i miratuar këto dokumente. — 9/10 Kuvendi i Kosovës e pati edhe një mundësi të fundit për t’i votuar katër projektligje të rëndësishme për vendin javën e kaluar, para se ky institucion të shpërbëhej dhe të caktohej data për zgjedhje të reja.

Në mesin e katër projektligjeve, ishte edhe ai për miratimin e buxhetit për tri komuna të Kosovës: Prishtinën, Gjilanin dhe Zubin Potokun. Pavarësisht thirrjeve të Lëvizjes Vetëvendosje, parti që tani udhëheq me Qeverinë në detyrë, partitë tjera nuk patën gatishmëri për t’i miratuar këto dokumente.

10/10 Për pasojë, kriza vetëm rrezikon të thellohet.

Në muajt e fundit, Qeveria në detyrë dhe zyrtarët komunalë kanë shkëmbyer akuza të vazhdueshme ndaj njëri-tjetrit për gjendjen e ndërlikuar me financat në komunë.

Transporti publik u rikthye pasi Ministria e Financave në detyrë i ndau të martën 2.7 milionë euro për mallra dhe shërbime për komunën e Prishtinës, disa ditë pasi komuna i miratoi të hyrat vetanake të vitit 2024, në vlerë prej 28 milionë euro.

Ministri i Financave në detyrë, Hekuran Murati, tha të martën se kjo shumë ishte proceduar veçmas nga pjesa tjetër prej 25.9 milionë eurove e projekteve kapitale, “në mënyrë që të kryhet sot me prioritet, sepse kapitalet duke qenë në shumë linja marrin kohë më gjatë dhe nuk ishte e mundur të kryheshin sot”.

Ai i arsyetoi vonesat në ndarjen e të hollave për komunën, pas kritikave të vazhdueshme nga kryetari i kryeqytetit, Përparim Rama.

“Vendimi i marrë nga Komuna e Prishtinës të enjten në mbrëmje për të hyrat vetanake, sipas legjislacionit në fuqi fillimisht duhej të kalonte verifikimin e ligjshmërisë, proces ky që bëhet nga ana e MAPL-së”, tha Murati.

Murati shtoi se “është për keqardhje sjellja e deklaratat dezinformuese nga ana e komunës së Prishtinës që gjoja Ministria nuk po bën alokimin e mjeteve, kur në fakt edhe ata vetë e dinë që kemi të bëjmë me procedura që nuk mund të tejkalohen”.

Mosmarrëveshjet me komunës dhe Qeverisë në detyrë detyruan qytetarët e kryeqytetit gjatë gjithë javës së kaluar dhe fillimit të kësaj jave të shikonin për alternativa për të udhëtuar.

Ndërlidhjet

Na ndiqni

Rikthehet transporti publik në Prishtinë pas më shumë se një jave mungesë

Përplasjet politike lënë Prishtinën pa transport publik