Kompanitë e Zvonko Vesellinoviqit po marrin nga shteti i Serbisë leje për gurore, në afërsi të segmentit të planifikuar të autostradës drejt Malit të Zi. Dokumentet e Ministrisë së Minierave të Serbisë, të cilat i ka siguruar Shërbimi i Ballkanit i Radios Evropa e Lirë, tregojnë se dy kompani të Vesellinoviqit kanë marrë leje për shfrytëzim në zonën e Sjenicës, gjatë dy vjetëve të fundit. Vesellinoviq dhe kompanitë e tij janë nën sanksione të SHBA-së për akuza që lidhen me krim të organizuar dhe korrupsion.