“Po shkruhet historia”. Me këto fjalë, Komanda e Forcave të Përbashkëta e NATO-s në Napoli e përshkroi në X nisjen e stërvitjeve të para të përbashkëta mes Serbisë dhe NATO-s, më 12 maj në jug të Serbisë. Stërvitjet dyjavore, ku marrin pjesë trupa serbe dhe të NATO-s, u iniciua nga Serbia, udhëheqja e së cilës këmbëngul në ruajtjen e neutralitetit ushtarak. Analisti ushtarak Aleksandar Radiq thotë se stërvitja ka rëndësi të madhe për Brukselin, duke pasur parasysh bashkëpunimin ushtarak në rritje mes Serbisë dhe Kinës gjatë viteve të fundit.