Radio Evropa e Lirë

Ahtisaari fitoi Çmimin Nobel për Paqe

Ish-presidenti i Finlandës, Martti Ahtisaari, e fitoi Çmimin Nobel për Paqe. Në arsyetimin e Komitetit Norvegjez thuhet se çmimi u nda për arritjet e tij në disa kontinente, për zgjidhjen e konflikteve ndërkombëtare. Ahtisaari njihet edhe si njeriu që ka luajtur rolin kyç në dy fazat vendimtare për Kosovën.

Mali i Zi dhe Maqedonia njohën Kosovën

Vendimin për njohje nga Qeveria e Mali i Zi e ka bërë të ditur ministri i Jashtëm i këtij vendi, Milan Roqen, ndërsa, disa orë më pas, ministri i Jashtëm maqedonas, Antonio Milloshovski, ka kumtuar vendimin e Qeverisë së Maqedonisë për njohjen e Republikës së Kosovës.

OKB: U miratua rezoluta serbe

Asambleja e Përgjitshme e OKB-së e miratoi rezolutën e paraqitur nga Serbia për të kërkuar mendim këshillues nga GJND-ja për shpalljen e pavarësisë së Kosovës, nëse ajo është ose jo në pajtim me ligjin ndërkombëtar. 77 vende anëtare të OKB-së votuan për, 74 abstenuan, 6 qenë kundër.

Kongresi mbështet planin e Shtëpisë së Bardhë

Kongresi i Shteteve të Bashkuara të Amerikës ka mbështetur planin ekonomik të Shtëpisë së Bardhë. Plani në vlerë prej 700 miliardë dollarësh është intervenimi më i madh i Qeverisë amerikane që nga Depresioni i Madh.

Bush: Të mbrohet ekonomia amerikane

Presidenti amerikan, George Bush, mbrëmë vonë, ka bërë apelin e tij më dramatik deri tash, që Kongresi ta miratojë propozimin e administratës së tij për shpëtimin e sektorit bankar të Shteteve të Bashkuara. Kjo paketë, që taksapaguesve amerikanë do t’u kushtojë 700 miliardë dollarë, tash po debatohet nga ligjvënësit në Kongres, ndërsa votimi për të pritet aty kah fundi i kësaj jave. Njëherësh, kriza aktuale financiare e ka vënë në dyshim edhe debatin e parë ndërmjet kandidatëve presidencialë, John McCain dhe Barack Obama.

Topi: Pavarësia e Kosovës - ngjarja më historike në rajon

Presidenti i Shqipërisë, Bamir Topi, në fjalimin e tij në Asamblenë e Përgjithshme, e ka cilësuar pavarësinë e Kosovës si ngjarjen më të madhe historike, si dhe zhvillimin më të rëndësishëm politik në Ballkan. Ai tha se ky proces është i pakthyeshëm dhe u kërkoi vendeve anëtare të OKB-së që ta pranojnë Kosovën sa më shpejt në OKB.

BE shqyrton abstenimin si përgjigje ndaj nismës serbe

Disa vende anëtare të BE-së kanë bërë të ditur se janë duke shqyrtuar mundësinë e abstenimit si qëndrim të përbashkët, për t'iu pergjigjur nismës së fundit të Serbisë, e cila synon të kërkojë nga GJND-ja mendimin për ligjshmërinë e pavarësisë së Kosovës.

Ndikimet politike të sulmeve terroriste të 11 shtatorit

Ngjarjet e 11 shtatorit 2001 kishin ndikim të fuqishëm në pikëpamjen e Amerikës për rolin e saj në botë, duke shkaktuar rishikimin e politikës së jashtme dhe të parimeve ekonomike e politike të 50 vjetëve të shkuar.

Gjeorgjia padit Rusinë në Hagë

Gjykata Ndërkombëtare e Drejtësisë dje në Hagë ka filluar shqyrtimin e kërkesës së Gjeorgjisë, se shtetasit e saj i janë nënshtruar dhunës sistematike, evakuimit të dhunshëm dhe diskriminimeve të tjera nga trupat ruse, mercenarët dhe forcat separatiste në Osetinë Jugore dhe në Abkhazi, për më tepër se një dekadë. Kjo gjykatë e Kombeve të Bashkuara, këtë çështje do ta shqyrtojë edhe sot dhe nesër, ndërsa vendimi pritet të merret brenda një muaji.

Liderët e BE-së diskutojnë krizën në Gjeorgji

Bashkimi Evropian tha se shpreson të nisë një mision të vëzhguesve civilë në Gjeorgji deri nga fillimi i tetorit.

Obama: Tetë vjet ishin mjaft

Barack Obama mbrëmë edhe zyrtarisht pranoi nominimim për president nga Partia Demokratike. Ai ka ftuar amerikanët që më 4 nëntor të votojnë për të, për të mos lejuar, siç ka thënë ai, "mandatin e tretë të George Bushit dhe Dick Cheneyt".

A është kjo Luftë e Re e Ftohtë?

"Epokë e re konfrontimi Lindje-Perëndim, drithërimë, maskë e Luftës së Ftohtë. Cilido epitet të zgjidhet, Rusia sinjalizoi se me aksionet në Gjeorgji, interesat e përbashkëta me Perëndimin, për Moskën vijnë pas interesave konkurruese", thotë Edward Lucas.

Obama zyrtarisht kandidat për president

Barack Obama është nominuar zyrtarisht si kandidat presidencial për Partinë Demokratike. Në konventën e tyre në Colorado, delegatët e Partisë Demokratike nga 50 shtete i dhanë përkrahjen Obamës, duke e bërë atë kandidatin e parë presidencial me ngjyrë të zgjedhur nga një parti e madhe amerikane.

Hillari Klinton mbështet Obamën

Deri në fjalimin e saj të mbrëmshëm kishte shumë spekulime nëse Hillari Klinton do të mbështeste me gjithë zemër Obamën ose nëse këtë do ta bënte me gjysëm zëri. Por, Hillari Klinton nuk la asnjë dilemë në mështetjen e saj për Obamën.

Rusia njohu pavarësinë e Osetisë së Jugut dhe Abkhazisë

Presidenti i Rusisë, Dmitry Medvedev, e ka nënshkruar dekretin për njohjen formale të pavarësisë së dy rajoneve seperatiste të Gjeorgjisë, Osetisë së Jugut dhe Abkhazisë. Vendimi, i cili hasi në reagime të ashpra në Perëndim, pasoi votimet në Parlamentin e Rusisë.

Senatori Bajden – avantazh për fushatën e Obamës

Në Konventën e Partisë Demokratike do të zyrtarizohet kandidatura e senatorit Barack Obama për president të Shteteve të Bashkuara dhe vendimi i tij që për nënpresident ta zgjedhë senatorin Xhozef Bajden. Senatori Bajden, pos tjerash, njihet edhe për mbështetjen e fuqishme që i ka dhënë pavarësisë së Kosovës.

SHBA: Rusia do paguajë një çmim të lartë

Para 40 vjetësh tanket ruse hynë në Çekosllovaki

Para 40 vjetësh, bota e shikonte se si në Çekosllovakinë e atëhershme depërtonin tanket ruse, duke e thyer shpresën se "socializmi me fytyrë njerëzore" do të mund të funsiononte në ish- bllokun sovjetik. E ashtuquajtura Pranverë e Pragës u shkatërrua në gusht të vitit 1968, duke u zëvendësuar me dy dekada të dimrit.

Bush: Rusia shtiret e fortë dhe frikëson Gjeorgjinë

Presidenti George Bush tha se SHBA-të e mbështesin integritetin dhe sovranitetin e Gjeorgjisë, ndërsa Rusia duhet t'i tërheqë forcat pushtuese nga i gjithë territori i Gjeorgjisë.

Gates: Raportet SHBA-Rusi mund të dëmtohen për vite

"Mesazhi i Rusisë është sinjal për gjithë ato pjesë të ish Bashkimit Sovjetik që po përpiqen të integrohen me Perëndimin dhe të lëvizin jashtë sferës ruse të ndikimit, në të cilën kanë qenë për një kohë të gjatë", tha shefi i Pentagonit.