Derisa vazhdojnë operacionet ushtarake në disa rajone të Gjeorgjisë, Moska thotë se më së miri do të ishte sikur presidenti i Gjeorgjisë të largohet nga posti.
Burimet ruse konfirmojnë pushtimin e qytetit gjeorgjian të Senakit, që nuk gjendet në rajonet separatiste. Tbilisi zyrtar tha se rusët kanë pushtuar dhe qytetin e Gorit. Presidenti Saakashvili, kishte tërhequr vërejtjen se marrja e Gorit, i hap rrugë pushtimit të Tbilisit.
"Moska tha se kusht për bisedime është tërheqja e trupave gjeorgjiane nga Osetia. Pas vendimit për tërheqje, Rusia vendosi një kusht tjetër. Kjo tregon se rusët do qëndrojnë sa më gjatë që munden", tha Liz Fuller, analiste e Radios Evropa e Lirë.
Abkhazia ka ndërmarrë operacione luftarake kundër forcave të Gjeorgjisë, ndërkohë që në Osetinë Jugore vazhdojnë përleshjet e armatosura ndërmjet forcave ruse dhe atyre gjeorgjiane. Rusia tha se ka nën kontroll kryeqendrën e Osetisë dhe njoftoi për 1500 të vdekur. Presidenti George Bush bëri thirrje për armëpushim të menjëhershëm.
Ministria e Brendshme e Gjeorgjisë tha se forcat ruse kanë nën kontroll pjesë të Tskhinvalit, kryeqytetit të rajonit separatist të Osetisë Jugore. Shota Utiashvili, zëdhënës i ministrisë, tha se forcat ruse po bombardojnë trupat gjeorgjiane "nga tanket dhe aeroplanët", duke shtuar se "ne kontrollojmë një pjesë të qytetit, ndërsa rusët tjetrën".
Aleksandër Solzhenicini, fituesi i çmimit Nobel në letërsi në vitin 1970, për rusët mbetet ndërgjegjja e kombit. Për lexuesit e tij në botë ai do mbetet shkrimtari që nxorri në dritë krimet e regjimit të Stalinit dhe bëri të njohur tmerrin e gulagëve.
Teherani ka refuzuar t'i përgjigjet ofertës së gjashtë fuqive botërore për zgjidhjen e krizës bërthamore. SHBA-të thanë se Irani duhet të japë një përgjigje deri në fundjavë, ose do të ketë pasoja.
13 vjet pas masakrës së Srebrenicës, Radovan Karaxhiq, një nga projektuesit e masakrës më të rëndë në Evropë që nga Lufta e Dytë Botërore, arriti në Hagë. Karaxhiq përballet me akuzat për gjenocid dhe krime lufte.
Në prag të Lojërave Olimpike, Organizata Amnesty International kritikoi Kinën për të drejtat e njeriut, duke thënë se Pekini po shfrytëzon Lojërat për të arrestuar apo kërcënuar secilin që i ka dalë në rrugë fushatës së tij.
Turqia është përfshirë nga sulmet terroriste dhe pasiguria politike e ekonomike. Partia në pushtet rrezikon të shpallet e jashtëligjshme dhe drejtuesve kryesorë të shtetit mund t'u ndalohet marrja me politikë.
Në mbledhjen e rradhës së KS-së, Kosova, SHBA-të, Britania dhe vendet e tjera anëtare të BE-së në Këshill mbështetën planet për rikonfigurimin e UNMIK-ut. Rusia e Serbia përsëritën kundërshtimin e tyre. Shefi i UNMIK-ut theksoi se kushtet e reja në Kosovë e kërkojnë rikonfigurimin.
Karaxhiqi donte ndarje etnike, e donte Republikën Serbe jashtë Bosnjë-Hercegovinës. Karaxhiqi urrente tek Sarajeva myslimanët, kroatët dhe serbët që jetonin së bashku. Rrethimi i Sarajevës ishte luftë kundër shoqërive shumetnike, kujtojnë dëshmitarët e kohës.
Presidenti amerikan, George Bush, pas takimit me Fatmir Sejdiun dhe Hashim Thaçin, ka deklaruar se është mbështetës i fuqishëm i pavarësisë së Kosovës dhe se kundërshton çfarëdo lloj ndarjeje të Kosovës.
Përpjekjet e Beogradit për të përvetësuar pjesërisht ose tërësisht Kosovën, qartësisht janë kërcënim për paqen dhe sigurinë në Ballkan dhe ato duhet të trajtohen si të tilla, pohon Daniel Serwer, kryetar i Institutit për Paqe. /SHBA/.
Kur Dmitry Medvedev u bë president i Rusisë, në maj, shumëkush shtroi çështjen nëse ai do të gjente mënyra për t'u distancuar nga paraardhësi i tij, Vladimir Putin. Këto ditë, Medvedev paraqiti strategjinë për politikën e jashtme, sipas së cilës duket se përgjigja në këtë çështje është jo.
Në Shtetet e Bashkuara ka lindur një kundërthënie e re lidhur me karikaturat, në të cilat kësaj radhe paraqitet kandidati i Partisë Demokratike për president, Barack Obama. Në faqen e parë të gazetës ‘New Yorker’ është karikatura në të cilën zoti Obama paraqitet si mysliman, ndërsa gruaja e tij si terroriste e armatosur. Gazeta ‘New Yorker’ tha se kjo karikaturë ka domethënien e satirës pas thashethemeve që janë përhapur për zotin Obama. Por, zyrtarë të fushatës së tij këtë e kanë vlerësuar si "të pashije dhe ofenduese".
Samiti i tetë vendeve më të industrializuara të botës rezultoi me konsensusin e ri, përmes të cilit do të synohet reduktimi për 50 për qind deri në vitin 2050 i emetimit të gazrave që shkaktojnë ndotjen e ajrit. Mirëpo, ky nuk është zhvillimi i vetëm në samitin e G 8-ës në Japoni.
Presidenti i Shteteve të Bashkuara, George Bush, dhe ai i Rusisë, Dmitry Medvedev, u takuan sot në Hokaido të Japonisë, ku po i zhvillon punimet samiti i G8-ës. Ishte ky takimi i parë i presidentit Bush, i cili së shpejti e përfundon mandatin e tij, dhe i presidentit Medvedev, që posa e ka filluar mandatin e tij.
Para 60 vjetësh, populli në Berlinin perëndimor ishte nën bllokadë, pasi lideri i atëhershëm sovjetik, Jozef Stalin, më 24 qershor të vitit 1948, i bllokoi të gjitha rrugët tokësore dhe ujore nga Gjermania lindore komuniste për në pjesën perëndimore të qytetit të ndarë. Qëllimi i tij ishte që ta shkatërrojë atë që ishte një enklavë brenda lindjes, që ishte nën kontrollin sovjetik.
Shfaq më shumë
