Opozita dhe analistët vënë dyshime nëse institucionet kanë arritur t’i artikulojnë të gjitha argumentet për pavarësinë e Kosovës në deklaratën tashmë të deponuar tek GJND-ja në Hagë.
Përfaqësuesi i Kosovës në procesin e GJND-së, Michael Wood, i ka dorëzuar kësaj instance dokumentin me argumentet për pavarësinë e Kosovës. Zyrtarët kosovarë presin interpretim pozitiv nga ky institucion.
Sot skadon afati kur shtetet anëtare të OKB-së mund të paraqesin vlerësimet e tyre në GJND lidhur me shpalljen e pavarësisë së Kosovës. Autoritetet në Prishtinë shprehen të bindura se do fitojnë këtë proces.
Edhe pse janë potencuar disa pengesa që mund të reflektojnë në shtyrjen e afatit të datës për zgjedhjet lokale, siç janë decentralizimi dhe regjistrimi i popullsisë, deputetët kosovarë konsiderojnë se ato duhet mbajtur në vjeshtën e këtij viti.
Nga 17 prilli, në GJND fillon procesi i interpretimit legal të shpalljes së pavarësisë së Kosovës. Prishtina zyrtare pret interpretim pozitiv nga ky institucion. Por, opozita shprehet e pakënaqur me transparencën e institucioneve gjatë përgatitjeve për këtë proces gjyqësor.
Presidenti dhe kryeministri i Kosovës kanë hedhur poshtë idenë e ndryshimeve të mundshme në Planin e Ahtisaarit, siç propozon Fondacioni për Marrëdhënie Ndërkombëtare dhe Dialog të Jashtëm, me seli në Madrid.
Kosova e Shqipëria do të jenë shtete të integruara në BE, ku kufijtë më nuk do të jenë të rëndësishëm, tha sot presidenti Fatmir Sejdiu, pas takimit me pretendentin e fronit mbretëror shqiptar, Leka Zogu i Parë.
“Disa pjesë të Kosovës janë më sfiduese sesa tjerat dhe ky fakt nuk është sekret”, thonë zyrtarë të EULEX-it. Sipas tyre, në pjesën veriore të Kosovës ka nevojë për një sqarim më të madh për punën e misionit të EULEX-it.
“Lufta e UÇK-së ka qenë e drejtë dhe luftë për ekzistencën e qenies sonë”, tha sot presidenti Fatmir Sejdiu, duke iu referuar disa shkrimeve në media të caktuara, për, siç thuhet, krimet e UÇK-së të bëra gjatë konfliktit të armatosur.
Kushtetuta i ka mundësuar Kosovës të jetësojë zbatimin e statusit të saj si një shtet i pavarur, u tha sot në kremtimin e njëvjetorit të miratimit të aktit më të lartë juridik në Kosovë.
Në përmbyllje të vizitës dyditore në Prishtinë, grupi i deputetëve të Parlamentit Evropian dhe Kuvendi i Kosovës nxorën një deklaratë të përbashkët, me të cilën njihen përparimet në Kosovë dhe paraqiten vizione për kalimin e shumë sfidave që presin shtetin më të ri.
Për një vit të pavarësisë, Kosova ka shënuar përparime, por këtij vendi do t’i duhet më shumë progres në luftimin e korrupsionit, krimit të organizuar dhe reforma në gjyqësor, ka thënë euro-deputetja Doris Pack, në Prishtinë.
Me ndihmën e shefit të ICO-së, Pieter Faith, zyrtarë të lartë të Qeverisë së Kosovës kanë zhvilluar sot (e premte) një takim me përfaqësuesit e komunitetit serb, ku u bisedua për zgjidhjen e problemeve të rrymës, dokumentacionit e të tjera.
Prishtina ka përshëndetur hyrjen e Shqipërisë dhe Kroacisë në NATO dhe ka ritheksuar zotimet se edhe Kosova aspiron të jetë anëtare e Aleancës më të fuqishme ushtarake në botë.
Përfaqësues të partive opozitare në Prishtinë kanë kërkuar që zgjedhjet e ardhshme komunale të caktohen për muajin tetor, për shkak se nëntori shihet nga ta si muaj kur mund të mbajë mot i lig dhe si i tillë të ndikojë në procesin e votimeve.
Në Prishtinë i ka zhvilluar punimet Forumi i Nivelit të Lartë të Qeverisë së Kosovës dhe Komunitetit të Donatorëve, ku u diskutua realizimi i donacioneve të zotuara në Konferencën e Donatorëve për Kosovën.
Një panel përzgjedhës, që do të formohet këtë javë nga Ministria e Punëve të Jashtme e Kosovës, do të bëjë përzgjedhjen e listës së ngushtë të kandidatëve për ambasadorët e parë, të cilët Kosova do t’i dërgojë sivjet në 18 shtete botërore.
Zyrtarët kosovarë thonë se janë të njoftuar me shqetësimet e Këshillit të Evropës lidhur me disa raste të evidentuara si shkelje e të drejtave të njeriut në Kosovë. Ata thonë se prioritet do kenë sidomos zbardhjen e fatit të të pagjeturve të luftës.
Komisionari i Këshillit të Evropës për të drejtat e njeriut, Tomas Hammarberg, e ka vlerësuar gjendjen në dy kampet rome në veri të Mitrovicës si katastrofë humanitare.
Shfaq më shumë
