Për dy muaj, Radio Evropa e Lirë ka fotografuar në disa lokacione në Kosovë, për të dëshmuar ndotjen që bëhet në fshatra, qytete, lumenj dhe male. Vendi po përballet me një ndotje të madhe si nga qytetarët ashtu edhe nga ndotësit industrialë. Përveç mbeturinave që janë krijuar që nga mbarimi i luftës, problem të madh paraqesin edhe mbetjet që janë shkaktuar në kohën kur Kosova ishte pjesë e ish-Jugosllavisë. Aktivistët mjedisorë kanë thënë se asnjëra nga qeveritë e pasluftës nuk e ka pasur prioritet mbrojtjen e natyrës.
