Rubrikat

Lajmi i fundit

Idriz Seferi

Prodhuar nga Idriz Seferi

tetor 10, 2008
Serbia e irrituar nga Mali i Zi

Njohja e pavarësisë së Kosovës nga Mali i Zi dhe Maqedonia ka shkaktuar reagime të ashpra në Serbi. Ambasadorët do të tërhiqen sërish. Por, veçanërisht, njohja nga Mali i Zi ka qenë e papritur.
shtator 19, 2008
Tadiq: Për Kosovën duhet luftuar në drejtësi

Presidenti serb, Boris Tadiq, para nisjes për në Nju Jork, ku do të mbahet seanca e ardhshme në Kombet e Bashkuara dhe propozimi i rezolutës serbe për ligjshmërinë e shpalljes së pavarësisë së Kosovës, ka thënë se Serbisë i duhet mbështetje e gjerë. Analistët serbë thonë se çështja kryesore është fakti pse Serbia po kërkon një sqarim nga Gjykata e Drejtësisë.
shtator 03, 2008
Serbia ka obligime të mëdha para BE-së

Viti 2009 mund ta bëjë Serbinë kandidate për integrimin në Bashkimin Evropian. Por, analistët serbë thonë se këto data mund të jenë më shumë stimulime. Megjithatë, edhe nëse kjo ndodh, sipas tyre, Serbia ka shumë obligime në rrugën e integrimit dhe ato ende nuk janë kuptuar.
gusht 18, 2008
Serbia kërkon kornizë ligjore për EULEX-in

Memorandumi në mes të EULEX-it dhe UNMIK-ut nuk është pritur mirë në Serbi. Ky akt është konsideruar si joligjor dhe pa mbështetje. Zyrtarët e lartë të shtetit kanë thënë se prania ndërkombëtare në Kosovë duhet të rregullohet me Serbinë dhe vetëm përmes Këshillit të Sigurimit.
gusht 13, 2008
Beogradi shpreson në ngadalësimin e njohjes së Kosovës

Serbia ende insiston në një mendim të Gjykatës Ndërkombëtare të Drejtësisë për legjitimitetin e shpalljes së pavarësisë së Kosovës. Bashkësia ndërkombëtare ka kërkuar të hiqet dorë nga një gjë e tillë. Kurse, analistët serbë thonë se mendimi nuk ka ndonjë ndikim, megjithëse mund të ngadalësojë njohjen e shtetësisë së Kosovës.
korrik 30, 2008
Karaxhiq - një rast i guximshëm për Qeverinë serbe

Ekstradimi i të akuzuarit të Hagës, Radovan Karaxhiq, në Beograd është vlerësuar si një hap pozitiv nga shoqëria civile dhe analistët. Aktivistët e të drejtave të njeriut thonë se Serbia duhet të tregojë se është një shoqëri që nuk ka frikë.
korrik 29, 2008
Protesta për arrestimin e Radovan Karxhiqit në Beograd

Partia Radikale e Serbisë ka paralajmëruar një protestë në qendër të Beogradit për të kundërshtuar arrestimin e të akuzuarve të Hagës për krime lufte. Policia serbe ka ngritur masat e sigurisë dhe para ambasadave janë vendosur qindra policë.
qershor 24, 2008
Beograd: Socialistët zgjedhin demokratët

Negociatat për koalicione në Serbi kanë arritur në fundin e tyre. Partia Socialiste ka vendosur të zgjedhë për partner demokratët e presidentit Boris Tadiq. Kjo parti pritet të marrë vendin e kryetarit të Kuvendit, që pritet të zgjidhet sot. Emrat e kabinetit qeveritar ende nuk janë bërë të ditur.
qershor 15, 2008
Kushtetuta e Kosovës e papranueshme për Serbinë

Presidenti i Serbisë, Boris Tadiq, ka thënë se Kushtetua e Kosovës nuk prezanton asgjë valide për Serbinë. Ai ka kërkuar bisedime të reja për statusin e Kosovës dhe siguri për serbët. Kryeministri Vojisllav Koshtunica ka kërkuar mbledhje të jashtëzakonshme të Kuvendit të Serbisë. Analistët mendojnë se fuqizimi i Kushtetutës është një traumë e vogël për Beogradin.
qershor 13, 2008
Serbia kundër propozimit të Ban Ki Moon-it

Beogradi zyrtar nuk e ka pritur mirë propozimin e Sekretarit të Përgjithshëm të Kombeve të Bashkuara. Një pjesë e Qeverisë serbe ka paralajmëruar si kundërpërgjigje krijimin e kuvendit të serbëve në Kosovë.
maj 29, 2008
Demokratët serbë ende kanë shpresa

Pas nënshkrimit të marrëveshjes në mes të socialistëve, radikalëve dhe bllokut popullor, në Serbi është rihapur tema e bashkëpunimit në mes të pushtetit lokal dhe qendror. Demokratët deri tani kanë mbetur opozitë në kryeqytet, por analistët mendojnë se ende ka gjasa për nivelin qendror.
maj 28, 2008
Nacionalistët marrin kryeqytetin serb

Socialistët e Serbisë kanë rënë dakord për nënshkrimin e marrëveshjes me partinë e kryeministrit Koshtunica dhe radikalët për Beogradin. Por, ende nuk kanë vendosur për qeverinë e vendit. Analistët presin që ky veprim t’i vështirësojë edhe më tutje negociatat për ekzekutivin e shtetit, pasi që demokratët kishin fituar shumicën edhe në kryeqytet.
maj 21, 2008
Evropa josh socialistët e Serbisë

Socialistët e Serbisë kanë filluar të ndryshojnë mendimin lidhur me integrimin evropian. Kjo ka bërë që të fillojnë dilema të reja për koalicionin e ri qeveritar. Dragan Markoviq Palma, i Serbisë së Bashkuar në koalicion me socialistët, ka thënë se do të kërkojë ndërprerjen e bisedimeve me kryeministrin Vojisllav Koshtunica, për shkak të kundërshtimeve për Marrëveshjen e Stabilizim Asociimit.
maj 20, 2008
Koalicionet në Serbi, ndryshojnë socialistët

Serbia do të duhet të ketë mazhorancën parlamentare të konstituuar deri në fillim të qershorit. Por, partitë politike ende nuk kanë arritur të merren vesh për koalicionet. Partia Socialiste, pas negociatave intensive me radikalët dhe bllokun popullor, ka bërë hapin e parë drejt demokracisë. Por, analistët mendojnë se kjo parti mund të ndryshojë edhe më shumë.
maj 16, 2008
Blloku radikal në pushtet?

Megjithëse zgjedhjet kanë nxjerrë fituese Partinë Demokratike të presidentit të Serbisë Boris Tadiq, duket se blloku radikal është më intensiv në formimin e qeverisë. Formimi i qeverisë nga partitë e bllokut popullor dhe nacionalist është bërë një realitet i mundshëm. Por, gjithçka varet nga socialistët.
maj 09, 2008
Serbia në Ditën e Evropës

Serbia ka shënuar Ditën e Evropës pak para zgjedhjeve lokale dhe parlamentare. Qeveria e Serbisë ka ratifikuar Marrëveshjen e Stabilizim Asociimit, por jo unanimisht. Hulumtimet tregojnë një ngritje të vullnetit të serbëve për integrim.
maj 08, 2008
Përfundon fushata në Serbi

Fushata parazgjedhore në Serbi ka arritur në ditën e fundit të saj. Zgjedhjet e parakohshme të nënshkruara më 11 maj, pritet të jenë një sfidë tjetër për Serbinë, pasi që konsiderohet se radikalët i kanë gjasat më të mëdha për të ardhur në pushtet.
prill 29, 2008
Serbia e përçarë për Marrëveshjen e Stabilizim Asociimit

Partitë politike në Serbi kanë shprehur rezerva për marrëveshjen e Stabilizim Asociimit me Bashkimin Evropian. Blloku popullor dhe radikalët kanë kërcënuar presidentin Boris Tadiq se ky do të jetë edhe shkaku i rrëzimit të tij nga posti i tanishëm.
prill 11, 2008
Serbia organizon zgjedhjet lokale në Kosovë

Qeveria e Serbisë ka vendosur që më 11 maj të mbahen edhe zgjedhjet lokale në Kosovë. Analistët serbë mendojnë se UNMIK-u duhet t'i delegjitimojë këto zgjedhje, por të mos i pengojë ato, pasi që Serbia nuk mund ta ushtrojë pushtetin në Kosovë.
mars 13, 2008
Zyrtarizohen zgjedhjet në Serbi, Kosova temë kryesore

Serbia përfundimisht shkon në zgjedhje të parakohshme parlamentare më 11 maj. Presidenti Boris Tadiq ka vlerësuar se këto zgjedhje do të dëshmojnë kapacitetin demokratik të shoqërisë. Megjithatë, Kosova do të jetë edhe njëherë temë kryesore e zgjedhjeve serbe.

Shfaq më shumë

Kthehu në fillim

XS

SM

MD

LG