Nadije Ahmeti është gazetare e Radios Evropa e Lirë në Prishtinë.
Me projekt-buxhetin për vitin 2010 parashihet rritje e pagave për të punësuarit në sektorin publik rreth gjashtë për qind. Por, ekspertë për çështje ekonomike janë skeptikë se mund të ndodhë një gjë e tillë, për shkak se, siç thonë, qeveria nuk ka përgatitur ndonjë plan që siguron ngritje të pagave për një periudhë afatgjate.
Gjatë fushatës zgjedhore, partitë politike kanë premtuar dhe po premtojnë shuma të mëdha për investime, të cilat, sipas ekspertëve të ekonomisë, janë të parealizueshme.
Me gjithë premtimet e Qeverisë se autostrada Morinë-Prishtinë-Merdar do nisë këtë vit, proceset për ndërtimin e saj po vonohen. Sipas zyrtarëve të Ministrisë së Transportit dhe Postë-Telekomunikacionit, këtë vit mund të bëhet vetëm përzgjedhja e kompanisë fituese, ndërkaq në fillim të vitit të ardhshëm pritet të nisë ndërtimi i autostradës së parë kosovare.
Vendimi për ndërtimin e një termocentrali të ri, me të cilin do të përmirësohej gjendja e furnizimit me energji elektrike në Kosovë, ishte marrë në vitin 2005. Mirëpo, puna për realizimin e këtij projekti, që konsiderohet më kapitali, nuk ka filluar ende.
Në zgjedhjet lokale të 15 nëntorit, për kryetare të komunave kanë kandiduar vetëm gjashtë femra. Disa nga kandidatet dhe përfaqësuese të organizatave joqeveritare thonë se ky numër është shumë i vogël. Arsye e kësaj, sipas tyre, është mungesa e vullnetit të partive politike për të kandiduar femrat për të udhëhequr ndonjë komunë.
Projekt-buxheti për vitin 2010, i miratuar nga Qeveria e Kosovës, nuk do ta ndryshojë shumë gjendjen ekonomike në vend, thonë ekspertë të ekonomisë. Ata kërkojnë nga Qeveria që buxheti të shpenzohet në mënyrë transparente.
Gjendja sociale në Kosovë vazhdon të jetë një nga shqetësimet më të mëdha. Zhvillimi i ulët i ekonomisë po ndikon edhe në shkallën e lartë të papunësisë. Autoritetet thonë se është shqetësues fakti se papunësia në Kosovë ka karakter afatgjatë, pasi të regjistruarit në zyrat e punësimit presin më shumë se një vit për një vend të lirë pune.
Regjistrimi i popullsisë, ekonomive familjare dhe banesave në Kosovë do të bëhet në vitin 211, thonë zyrtarë të Ministrisë së Administratës Publike. Sipas tyre, kjo është kërkesë e organizatave ndërkombëtare që merren me këtë çështje, por me këtë arsyetim nuk pajtohet ish-ministrja Melihate Tërmkolli.
Institucionet kompetente duhet t’i përgatisin procedurat për të aplikuar në Bankën Evropiane për Rindërtim dhe Zhvillim, thonë ekspertë të ekonomisë, të cilët e quajnë të dobishëm anëtarësimin në këtë mekanizëm financiar.
Nxënësit në Fushë-Kosovë, që ishin sëmurë javë më parë, nuk kanë qenë të helmuar. Këto janë rezultatet e analizave që tashmë kanë arritur në Ministrinë e Shëndetësisë, nga Instituti i Forcave Gjermane. Megjithatë, me këto rezultate janë befasuar zyrtarët e arsimit komunal në Fushë-Kosovë.
Për zgjedhjet lokale të 15 nëntorit, zhvillimi ekonomik është në krye të listës së premtimeve të partive politike. Pavarësisht kësaj, ekspertë për çështje ekonomike pohojnë se mundësitë për një zhvillim ekzistojnë, ndonëse dyshojnë në ndonjë përmirësim më efikas.
Përfaqësues të Agjencisë Kosovare të Privatizimit bëjnë të ditur se ka filluar privatizimi i ndërmarrjeve shoqërore që gjenden në enklavat serbe, ndërkaq privatizimi i kompleksit më të madh turistik “Brezovica”, që gjendet në komunën e Shtërpcës, do të bëhet vitin tjetër. Ekspertët thonë se privatizimi i këtij kompleksi do të ndikojë në rritjen e investitorëve të huaj.
Punëtorët kosovarë, si në sektorin publik, po ashtu edhe në atë privat, ballafaqohen me probleme nga më të ndryshmet. Kështu vlerësojnë përfaqësues të sindikatave të punëtorëve, duke shtuar se të drejtat e punëtorëve shkelen, jo vetëm në aspektin praktik, po edhe në atë legjislativ.
Bashkëpunimi ekonomik i Kosovës me disa nga vendet e rajonit ende mbetet në nivele modeste, thonë ekspertë të ekonomisë nga Kosova, Shqipëria dhe Mali i Zi. Sipas tyre, ky bashkëpunim do të kontribuonte në stabilitetin politik dhe social të këtyre vendeve.
Mungesa e programeve ekonomike nga autoritetet kompetente ka ndikuar që situata ekonomike në Kosovë të jetë në gjendje të rëndë. Kështu vlerësojnë njohës të çështjeve ekonomike, sipas të cilëve, Qeveria e Kosovës, po mundohet që ekonominë ta rimëkëmbë në mënyrë sektoriale.
Në Prishtinë, sot ka filluar punimet konferenca e tetë ndërkombëtare “Biznesi dhe punësimi”. Në këtë tryezë, ku po marrin pjesë përfaqësues të vendeve të ndryshme të rajonit, u diskutua për bashkëpunimin ekonomik ndërkombëtar të institucioneve dhe shoqërisë civile në zhvillimin ekonomisë, biznesit, si dhe në rritjen e punësimit në Kosovë dhe në vendet tjera në tranzicion.
Në shkollat fillore dhe të mesme në Kosovë vazhdon të përdoret dhunë ndaj nxënësve nga mësimdhënësit. Sipas organizatave për të drejtat e fëmijëve, dhe vetë nxënësve, dhuna fizike dhe psikike në shkollat kosovare edhe më tej vazhdon të përdoret si mjet edukativ.
Kosova gjatë këtij viti do të ketë rritje ekonomike 4.4 për qind, parashikojnë zyrtarë qeveritarë. Por, për realizimin e kësaj ngritjeje gjatë kësaj periudhe, ekspertë të ekonomisë japin vlerësime të ndryshme.
Qeveria e Kosovës, në bashkëpunim me Fondin e Kombeve të Bashkuara për Fëmijë, sot ka publikuar Strategjinë dhe Planin Nacional të Veprimit për të Drejtat e Fëmijëve në Republikën e Kosovës, për periudhën 2009-2013. Me këtë mekanizëm, Qeveria synon t’i arrijë standardet ndërkombëtare të të drejtave të fëmijëve, të përcaktuara me Konventën për të Drejtat e Fëmijës.
Shfaq më shumë
