Përfaqësuesja e lartë e Bashkimit Evropian për Politikë të Jashtme dhe Siguri, Federica Mogherini, tha se është optimiste se administrata e presidentit amerikan, Donald Trump, do të mbetet e përkushtuar ndaj marrëveshjes atomike me Iranin.
Gjykata e Qarkut të Apeleve në San Francisko të SHBA-së do të dëgjojë sot dëshmitë për dhe kundër urdhrit ekzekutiv të presidentit Donald Trump mbi ndalimin e hyrjes në SHBA të qytetarëve të shtatë vendeve me shumicë myslimane. Trump edhe një herë e mbrojti urdhrin, duke thënë se është në interes të sigurisë kombëtare.
Një gjykatë amerikane e ka bllokuar përkohësisht urdhrin njëjavor ekzekutiv të presidentit Donald Trump që ndalon refugjatët dhe vizitorët nga shtatë vende me popullatë kryesisht myslimane të futen në SHBA.
Një gjyqtare federal mbrëmjen e së shtunës publikoi një urdhër të jashtëzakonshëm, me të cilin përkohësisht i ka bllokuar autoritetet e SHBA-së nga dëbimi i njerëzve, të cilët kanë arritur në aeroportet e Shteteve të Bashkuara me viza të rregullta.
Presidenti amerikan, Donald Trump, ka urdhëruar ndaljen e pakufizuar të hyrjes së refugjatëve sirianë në Shtetet e Bashkuara dhe pezullimin e vizitave nga disa vende të tjera myslimane.
Presidenti i Shteteve të Bashkuara, Donald Trump, në kuadër të politikave të tij për migrimin, tha se do të krijojë zona të sigurta për refugjatët në Siri. Ky propozim ka kohë që qarkullon, por paraardhësi i Trumpit, Barack Obama, i ka rezistuar nga frika se mund ta tërheqë SHBA-në edhe më shumë në luftën e përgjakshme të Sirisë dhe ta çojë në përleshje eventuale me trupat ruse.
Presidenti i Shteteve të Bashkuara, Donald Trump, thotë se “e njeh të drejtën” e qindra mijëra njerëzve në gjithë botën, që protestuan në mbështetje të “Marshit të grave”, në Uashington kundër tij.
Qindra mijëra protestues dolën në rrugë, nëpër qytetet në të gjithë botën më 21 janar, për të treguar solidaritet me protestën në Washington, e quajtur "Marshi i grave", kundër presidentit të sapo-inauguruar të SHBA-së, Donald Trump.
Më 20 janar, në Uashington është bërë inaugurimi i presidentit të ri të Shteteve të Bashkuara, Donald Trump.
Presidenti i Shteteve të Bashkuara, Barack Obama, ka mbajtur konferencën e fundit për gazetarë, përpara se të përfundojë mandatin. Ai është ndalur veçanërisht te marrëdhëniet me Rusinë, duke thënë se sanksionet kundër Moskës duhet të mbeten në fuqi derisa ajo të ndryshojë qasjen ndaj Ukrainës. Obama ka folur edhe për konfliktin izraelito-palestinez, për rastin e Chelsea Manning e të tjera.
Presidenti i zgjedhur i Shteteve të Bashkuara, Donald Trump, ka dhënë një intervistë për mediat britanike dhe gjermane, ku, pos tjerash, ka thënë se do të donte marrëveshje me Rusinë për reduktimin e armëve bërthamore dhe ka kritikuar kancelaren gjermane, Angela Merkel, për pranimin e mbi një milion migrantëve në Gjermani.
Sean Spicer, ndihmës i afërt i presidentit të zgjedhur amerikan, Donald Trump, e ka hedhur poshtë një raport të publikuar, se planifikohet një takim me presidentin e Rusisë, Vladimir Putin, në Islandë, që do të ishte udhëtimi i tij i parë i jashtëm si president.
Michael Flynn, këshilltar për siguri kombëtare i presidentit të zgjedhur amerikan, Donald Trump, e ka marrë një thirrje nga ambasadori i Rusisë, muajin e kaluar, në ditën e njëjtë kur presidenti, Barack Obama, i ka shpallur sanksionet e reja kundër Rusisë, për akuzat për ndërhyrje në zgjedhjet në Shtetet e Bashkuara.
Të nominuarit e presidentit të zgjedhur të SHBA-së, Donald Trump, për të udhëhequr Pentagonin dhe CIA-n e kanë cilësuar Rusinë si aktor agresiv dhe kanë thënë se mbështesin një qasje më të rreptë ndaj saj. Deklaratat janë ndryshe nga retorika e dëgjuar deri më tash e administratës së re amerikane.
Shfaq më shumë
